Nga Melia tek Iberostar/ Si ranë markat më të mëdha të hoteleve botërore në grackën e parave të drogës

17 Qershor 2026, 11:19, Aktualitet CNA

Nga Melia tek Iberostar/ Si ranë markat më të mëdha të

Një ditë më parë, Prokuroria e Posaçme njoftoi sekuestrimin e disa kompanive dhe aseteve të tyre me dyshimin se burojnë nga paratë e trafiqeve. Mes pasurive të sekuestruara ishte një hotel i afiluar me zinxhirin e madh ndërkombëtar Melia.

Me kërkesë të Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar me vendimin nr.438 datë 15.6.2026 ka vendosur masën e sigurimit pasuror “Sekuestro preventive”, të parashikuar nga neni 274 i Kodit të Procedurës Penale në lidhje me 491 pasuri të luajtshme dhe të paluajtshme, në pronësi të drejtpërdrejtë, apo të tërthortë të personave nën hetim, ku përfshihet objekti “Hotel Elisa Tirana”, afilated by Melia “Strukturë Hoteleri 2, 4, 5, 8 dhe 10 kat ne 3 kat nëntokë në adresë në rrugën e Dibrës” Tiranë," njoftoi zyrtarisht SPAK-u.

Nga Melia tek Iberostar/ Si ranë markat më të mëdha të

Ky është hotel "Elisa" në rrugën e Dibrës, i cili mban emrin e gjigantit Melia. Ky hotel është në pronësi të një grupi që dyshohet për trafik narkotikësh, sipas SPAK të drejtuar nga Shpëtim Bibaj. Ky grup ka arritur që të nënshkruajë marrëveshjen me gjigantin spanjoll Melia për ta afiliuar hotelin e tyre me këtë zinxhir.

Por Melia nuk është rrjeti i vetëm ndërkombëtar i hoteleve që ka rënë në grackën e karteleve shqiptare. Iberostar është një tjetër.

Nga Melia tek Iberostar/ Si ranë markat më të mëdha të

Ky në foto më sipër është hotel Iberostar që do të ndërtohej në Jalë nga kompania Seaview Development shpk. Kjo kompani është në pronësi të Isa Aliut, për të cilin një ditë më parë Gjykata nxori urdhër-arresti me akuzën e grupit të strukturuar kriminal dhe trafikimit të narkotikëve.

Leja e ndërtimit për këtë hotel u miratua vetëm një muaj e gjysmë më parë, saktësisht në 29 prill të këtij viti dhe hoteli nuk ka nisur ende të ndërtohet. Por SPAK vendosi të sekuestrojë kompaninë ndërtuese të tij, Seaview Development shpk dhe disa kompani të tjera në pronësi të zotit Aliu.

Nga Melia tek Iberostar/ Si ranë markat më të mëdha të

Leje ndërtimi për hotel Iberostar

Kjo që po ndodh në Shqipëri është një precedent botëror, të paktën në këtë shkallë. Gjigantët botërorë të argëtimit ia kanë dalë të ruajnë emrin e tyre duke mos e mpleksur atë me kartelet e drogës edhe në narkoshtetet e Amerikës Latine.

Por në Shqipëri, ato duket se po bien njëra pas tjetrës në këtë grackë, çka tregon për shkallën e përhapjes së fenomeneve të narkoparasë në ekonomi dhe infektimit që ajo po i bën edhe pjesës së shëndoshë të shoqërisë./ Kapitali.al