web counter
LEXO PA REKLAMA!

SHKARKO APP

App Store
Google Play

"Vetingu, një përvojë e vështirë"/ Kreu i KPA: Krijuam kushtet që sistemi i drejtësisë të funksionojë

17 Qershor 2026, 11:07, Aktualitet CNA

"Vetingu, një përvojë e vështirë"/ Kreu i

Kreu i Kolegjit të Posaçëm të Apelimit, Sokol Çomo, ka mbajtur fjalën e tij në konferencën për përmbylljen e procesit të vetingut.

Çomo tha se ky proces ishte një etapë jo e lehtë, por e domosdoshme. Kreu i KPA-së u shpreh se reforma në drejtësi krijoi kushtet që sistemi i drejtësisë të funksionojë mbi themele të forta dhe Shqipëria po futet në rrugën e demokracisë funksionale.

Në fjalën e mbajtur, Çomo vlerësoi të gjithë pjesëmarrësit në procesin e vetingut dhe tha se qëllimi ishte i përbashkët, forcimi i drejtësisë shqiptare.

 

 

“Ishte një përvojë e vështirë, dhe e dhimbshme. Ishte etapë që nuk ishte e lehtë për vendin tonë. Por kjo etapë ishte e nevojshme. Ne krijuam kushtet që sistemi i drejtësisë të funksionojë mbi themele më të forta. Sot po shënohet mbyllja e kapitullit të tranzicionit. Shqipëria po futet në shinat e duhura të demokracisë funksionale. Sfida jonë e përbashkët është që përjashtimi të mbetet përjashtim e normaliteti të jetë garancia se do ketë drejtësi për qytetarët.

Dua të falënderoj të gjithë ata që dhanë kontribut në procesin e vetingut. Një mirënjohje e veçantë u takon partnerëve tanë ndërkombëtarë, sepse ka qenë një partneritet i ndërtuar mbi vlera të përbashkëta. Një falënderim i shkon edhe ONM-së. Qëllimi ka qenë i përbashkët: forcimi i drejtësisë shqiptare”, tha Çomo.





Lajmet e fundit nga