E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Sulmi i "Top Channel" ndaj "TIBO"-s/ Dalin të vërtetat

10 Gusht 2022, 14:57, Aktualitet CNA

Sulmi i "Top Channel" ndaj "TIBO"-s/ Dalin të

"Top Channel" ka nisur fushatën e sulmeve ndaj platformës televizive "TIBO", goditje direkte a thua se janë morale apo ka zbuluar hënën.

Me anë të disa kronikave të transmetuara në edicionet informative ditët e fundit, në mënyrë të paprecedentë sulmon dhe akuzon për vjedhje "IPTV"-në, "TIBO".

Sipas "Top Channel", "TIBO", e ka nisur me vjedhje sezonin e ri sportiv duke transmetuar në mënyrë pirate ndeshjet eksluzive të Digitalb-t.

“Ky operator, pa asnjë lloj të drejte dhe në shkelje të plotë të ligjeve dhe rregullave ndërkombëtare transmetoi këtë fundjavë eventet sportive të blera për dhjetëra miliona euro nga Digitalb”, thuhet në një nga kronikat.

Këtu lind një pyetje sa milionë euro orë transmetimi filma e programe vjedh Digitalb?!

Nuk është një, por dhjetëra kanale që vjedhin me mijëra orë transmetimi, kjo ndodh në Digitalb, i cili është bërë problem edhe në disa ambasada të vendeve partnere përfshirë këtu edhe SHBA-në.

Meqë jemi te morali i "Top Channel", medias zyrtare propagandistike të aferës së inceneratorëve.

Kujtojmë se Vjollca Hoxha dhe aksionerët e tjerë të "Top Channel", janë ortakë me Klodian Zoton e Mirel Mërtirin në të paktën dy kompani. Njëra prej të cilave ka transaksione me miliona euro nga “bosët” e inceneratorëve në favor të Vjollcës dhe aksionerëve të "TOP"-it.

Sulmet ndaj TIBO-s, janë njësoj si ato që Vjollca Hoxha filloi për historitë e saj rozë, duke bërë presion mbi institucionet e ndaj drejtësisë.

Por, le të shohim faktet në lidhje me sulmin ndaj "TIBO"-s, nga media e inceneratorëve që reklamonte aferën e shekullit si histori suksesi.

Pasi, nëse ka hajdutë për të drejtat e autorit dhe transmetimit, kampioni është Digitalb-i.

Nëse ka një platformë që vjedh të drejtat e autorit dhe transmeton pa leje është Digitalb-i dhe mund të themi se ky është rasti kur hajduti thërret kapeni hajdutin.

Sulmi i "Top Channel" ndaj "TIBO"-s/ Dalin të

Digitalb-i që vjedh filma e me mijëra orë transmetime del dhe bërtet për "TIBO"-n, saqë kujton me të vërtetë se një "IPTV', platformë online paska bërë namin.

Si qëndron e vërteta?

"Top Channel" po ndjek versionin mbrojtja më e mirë është sulmi.

Kjo për disa arsye dhe të vërteta që po i radhisim më poshtë.

Së pari, Digitalb-i gjen forma të dyshimta për të shtyrë gjyqin tashmë të humbur ndaj "TIBO"-s, gjyq për prishjen e njëanshme të një kontrate për të drejtat e transmetimit paguar miliona euro.

Së dyti, Digitalb-i ende nuk ka paguar dëmshpërblimin prej 2 milionë eurosh për prishjen e kontratës me "TIBO"-n, pikë e qartë e saktësuar në marrëveshjen e palëve.

Së treti, Digitalb-i ka marrë njoftim nga ekspertët kontabël për dëmshpërblimin prej 8 milionë eurosh që duhet t’i paguajë "TIBO"-s, kjo për kohën dhe dëmet e shkaktuara nga prishja e kontratës.

Së katërti, Digitalb-i dhe partnerët e tij sulmojnë imazhin e "TIBO"-s, duke e nxjerrë si platformë pirate, pikërisht në momentin kur "OverSport" shpallet si platforma që ka ofruar dyfishin e të tjerëve në tenderin për kampionatin shqiptar të futbollit. Më parë "OverSport" i mori Digitalb-it Serinë A duke e lënë vetëm me kampionatin gjerman, pasi atë spanjoll e kishte blerë "Klan"-i.

Sulmi i "Top Channel" ndaj "TIBO"-s/ Dalin të

Së pesti, Gjykatat kanë frikë të bëjnë drejtësi nga Vjollca Hoxha. Pasi përdoret ekrani i televizionit kombëtar "Top Channel", për të goditur drejtësinë dhe mbrojtur biznesin e tyre me borxhe e humbje, pa folur për vjedhjet e të drejtave 24 orë në ditë në dhjetëra kanale të platformës Digitalb.

Së gjashti, gjithçka ndodh në këtë moment, kur "TIBO", bashkë me "OverSport" janë kompania që po e konkurrojnë ashpër Digitalbin në treg.

Sepse i kanë marrë Serinë A dhe së fundmi i kanë marrë Super Ligën shqiptare.

Pa folur më tej për dhjetëra evente sportive, përfshirë këtu Champions Ligue dhe transmetimi që bëhej nga "Tring", por që transmetohet edhe në platformën "TIBO".

Këto janë të vërtetat që fshihen pas sulmit dhe akuzave të "Top Channel" ndaj platformës televizive "TIBO"./CNA.al