web counter
LEXO PA REKLAMA!

SHKARKO APP

App Store
Google Play

"Digitalb" lë thatë abonentët, FSHF transmeton Superioren me komentatorin e "Tring" dhe regjinë e "RTSH"

14 Qershor 2020, 15:23, Sport CNA

Po luhet në këto momente ndeshja e parë e javës së 29-të në Kategorinë Superiore.

Partizani pret Luftëtarin në “Selman Stërmasi” , ndërsa sfida nuk transmetohet si zakonisht në Supersport, por në kanalin zyrtar të FSHF-së.

FSHF i ka prerë ç’do të drejtë televizive Digitalbit  për shkak te detyrimeve të pashlyera dhe tashmë mijëra abonentë që kanë paguar për të pasur këtë shërbim në televizorin e tyre, kanë mbetur thatë.

Nga sot, ndeshjet mund të ndiqen nga ç’do qytetar në kanalin e youtube të FSHF-së me një komentator të “Tringut” në sfond dhe me regji të RTSH-së.

Kështu, pasi u ka marrë lekët qytetarëve,  Digitalbi nuk paguan prej dy vitesh FSHF-në dhe këta të fundit kanë marrë vendimin drastik.

Qytetarët kanë paguar, por shërbim nuk po marrin dhe minimalisht, Digitalbi duhet t’u kthejë lektët mbrapsht të gjithë abonentëve që kanë paguar për të parë Superioren dhe tashmë nuk po e shohin.

Duke parë situatën kaotike që po kalon Digitalbi, përfshi këtu edhe moskorrektësinë e pagesave të punëtorëve, abonentët po largohen çdo ditë te kablloret dhe paketat e tjera televizive. /CNA.al





Lajmet e fundit nga