web counter
LEXO PA REKLAMA!

SHKARKO APP

App Store
Google Play

Largimi i TV Klan nga Digitalb/ "Zgjohet" AMA, pas mashtrimit të qytetarëve

6 Gusht 2019, 14:58, Sociale CNA

Që prej datës 1 gusht 2019, Klan dhe Klan Plus nuk janë më pjesë e platformës Digitalb. Kjo ka bërë që qindra qytetarë ti drejtohen AMA-s ( Autoriteti i Mediave Audiovizive) me një sërë ankesash për mungesën e sinjalit por edhe për të ditur se kush e ka përgjegjësinë për ti kthyer mbrapsh paratë që qytetarët kanë paguar.

Kjo ka sjellë edhe reagimin e AMA-s e cila sot ka dalë në një njoftim, ku premton angazhim për të marrë sqarimet e nevojshme.

Njoftimi i plotë

Autoriteti i Mediave Audiovizive gjatë tre ditëve të fundit ka marrë një numër të konsiderueshëm ankesash nga qytetarët në lidhje me mungesën e sinjalit të Televizionit Kombëtar “Klan” dhe “Klan Plus” në platformën satelitore ?Digitalb? dhe në dy nga platformat IPTV që ritransmetojnë paketën televizive ?Digitalb?.

Në këto kushte, Këshilli i Ankesave pranë AMA-s ka mbledhur të gjithë ankesat e mbërritura pranë institucionit dhe ka nisur procedimin konform ligjit 97/2013 ?Për mediat audiovizive në Republikën e Shqipërisë?, i ndryshuar, së pari duke kërkuar informacion nga platforma ?Digitalb? dhe Televizioni ?Klan?.

Autoriteti i Mediave Audiovizive në mbështetje të interesit më të lartë publik, në zbatim të ligjit nr. 9902, datë 17.04.2008 ?Për mbrojtjen e konsumatorëve? dhe referuar Marrëveshjes së Bashkëpunimit midis Ministrisë së Financave dhe Ekonomisë dhe Autoritetit të Mediave Audiovizive, nënshkruar në datën 13 qershor 2019, ka kërkuar ndërhyrjen e këtij institucionit me qëllim garantimin e të drejtave të konsumatorëve dhe shmangien e praktikave të pandershme tregtare në fushën e shërbimeve mediatike audiovizive.
AMA mbetet e angazhuar për adresimin e plotë të situatës së krijuar dhe bashkëpunimin e ngushtë me institucionet që sigurojnë konkurrencën në treg për shmangien e situatave të ngjashme në të ardhmen./CNA.al

 





Lajmet e fundit nga