VIDEO E CENSURUAR-Gjuhë rruge dhe kërcënime në mbledhjen e bordit të "Digitalb"/ Duka: Çështjet zgjidhen në rrugë ligjore

3 Shkurt 2022, 19:10, Sport CNA

Sot në një nga mediat e qeverisë është publikuar një video e Bordit Drejtues të “Digitalb”, ku diskutohet për ofertat e kompanive në lidhje blerjen e të drejtave të transmetimit. Për të manipuluar opinionin publik, video është shkurtuar dhe nga ana tjetër nga mediat pranë Ramës, kërkohet që të shitet si shit-blerje ndeshjes, kur në fakt diskutimi i aksionerëve të kompanisë që bëjnë edhe bordin në fakt është për blerje të drejtash transmetimi të Seria A.

CNA.al po sjell më poshtë një video ekskluzive dhe të pa censuruar. Më poshtë ndiqni vazhdimin e mbledhjes ku janë prezent Armand Duka, Aleksandër Frangaj, Edmond Leka, përfaqësues të aksionerëve të tjerë, debatin e censuruar për blerjen e të drejtave të transmetimit të Seria A. Një nga aksionerët, Petraq Shomo, flet më gjuhë rrugaçësh dhe kërcënon konkurentët në garë, ndërkohë dëgjohet dhe presidenti i FSHF Armand Duka i cili ruan qetësinë dhe sqaron se debatet zgjidhen në gjykata jo me kërcenime e dhunë.

Pjesë nga diskutimi:

Shomo: Po ky njeri qe ka bërë këto tre përfitime, bën edhe garipin, bëhet edhe k*rderr, me e marr dhe me hy në këtë tender italiani e me na i ngrit 1 milion të drejat. Po ça do i bësh ti këtij tipi o burr, se në mardhënie private, kam mënyrat e veta për ti zgjidh, a kupton? Ti ala mendohesh me i prish kontratën apo jo, kupton ti.

Duka: Në mënyrë private, unë nuk kam asnjë metodë apo mënyrë për t’i zgjidh çështjet, përveçsë në rruge ligjore. Po përvec të tjerash, unë nuk e kuptoj si një partner….

Shomo: Po çfarë do i bëje një hajduti ti Mando?

Duka: E çoj në gjykatë e çoj në polici.

Shomo: Po, po…