LEXO PA REKLAMA!

SHKARKO APP

Dumani ngre shqetësimin/ Kërkesë për zgjerim të ambienteve në SPAK

16 Mars 2023, 12:19, Aktualitet CNA
Dumani ngre shqetësimin/ Kërkesë për zgjerim të
Kreu i SPAK, Altin Dumani

Kreu i SPAK-ut, Altin Dumani ka ngritur sot para KLP-së shqetësimin për të krijuar më shumë ambient për ushtrimin efektiv të funksioneve.

Dumani ka theksuar se deri në 6 hetues janë në një zyrë dhe nëse njëri prej tyre duhet të marrë në pyetje një person kolegët e tjerë të zyrës duhet të dalin jashtë për shkak të ruajtjes së sekretit të hetimit.

Për këtë ka kërkuar që të ndërhyhet të ketë më shumë ambiente të nevojshme për të ushtruar detyrën.

Kryetari i Prokurorisë së Posaçme (SPAK), Altin Dumani, në raportimin që ka bërë sot para KLP-së ditën e sotme ka folur për problematikën e madhe me zyra që ka ky institucion. Dumani tha se në një zyrë në SPAK rrinë deri në 6 hetues.

“Deri në 6 hetues janë në një zyrë. Në rast se njëri prej tyre duhet të marrë në pyetje një person kolegët e tjerë të zyrës duhet të dalin jashtë për shkak të ruajtjes së sekretit të hetimit. Unë ju kërkoj të ndërhyni me autoritetin që ju jep ligji që të kemi ambiente të nevojshme për ushtrimin efektiv të funksioneve. Është një proces që ka nisur, por duhet të shkojë deri në fund”, tha Dumani./ CNA.al

Lajmet e fundit nga