E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Dokumenti/ Inceneratori i Tiranës, pagesa 1 milion euro në muaj kompanisë ortake të Vjollca Hoxhës

23 Korrik 2024, 15:02, Aktualitet CNA

Dokumenti/ Inceneratori i Tiranës, pagesa 1 milion euro në muaj

Inceneratori i Tiranës, burimi CNA

CNA ka denoncuar prej vitesh skemën e aferës së inceneratorëve, pagesat në televizione e portale, ortakëritë me drejtuesit e mediave më kryesore në vend dhe tentakulat që shkojnë sa në Bullgari, në Zimbabve, apo në Maltë e shtete të tjera. (Lexo këtu)

CNA ka qenë e para që ka denoncuar fijet e një megaafere, apo paratë që janë nxjerrë jashtë përmes nënkontraktimeve dhe faturave fiktive për të zhdukur gjurmët. (Lexo këtu)

Kapitali.al ka publikuar sot dokumente që tregojnë se në 31 maj të vitit 2019, kompania koncesionare e inceneratorit të Tiranës “Integrated Energy” nënshkroi një kontratë shërbimi me një kompani bullgare të quajtur “EM Capital Group AD”.

Kontrata e “Integrated Energy” me “EM Capital Group AD”

Sipas kontratës, “EM Capital Group” do t’i ofronte kompanisë së inceneratorit shërbime konsulence, për të cilat do të paguhej 800 mijë deri në 1 milion euro në muaj.

Kontrata e “Integrated Energy” me “EM Capital Group AD”

Sipas kontratës, kompania bullgare do të lëshonte faturë në çdo fillim muaji për koncesionarin e inceneratorit të Tiranës për shërbimet e muajit paraardhës dhe nëse ky i fundit vononte pagesën, atëherë do të paguante dhe kamatëvonesë.

Kjo kontratë praktikisht krijonte mundësinë që të nxirrej jashtë kompanisë koncesionare të inceneratorit thuajse e gjithë pagesa mujore që ajo përfitonte nga Bashkia e Tiranës për depozitimin e mbetjeve të kryeqytetit në landfill.

Në këtë mënyrë, paratë lëvizeshin në shtete të tjera nga kompania mëmë e inceneratorit të Tiranës, e cila tentoi të përdorte të njëjtën skemë në Zimbabve. (Lexo këtu)

Ortakëria me Vjollca Hoxhën e “Top Channel”

Kompania “EM Capital Group”, e cila tashmë ka ndryshuar emrin dhe quhet “United”, ka ortakëri me mediat. Rasti më flagrant është ai me pronaret e “Top Channel”.

Kjo kompani, ku kanë qenë aksionerë Mirel Mërtiri dhe Klodian Zoto, të cilët kanë drejtuar grupin e strukturuar kriminal dhe janë në kërkim, bleu “Lori Caffe” më 25 nëntor 2019. (Lexo këtu)

Kompani bullgare bleu 51% të aksioneve të “Lori Caffe”-së së Vjollca Hoxhës dhe fëmijëve të saj, e cila mban emrin tregtar “Valtelina Kafe”.

Kontrata e shitjes së “Lori Caffe”-së

Pas tri vitesh ortakëri, duke e përdorur “Top Channel” për propagandë ditë e natë për inceneratorët, aksionet e “EM Capital Group” iu rikthyen Vjollca Hoxhës me pretendimin se ishte shkelur kontrata për një pagesë të pakryer prej 100 mijë eurosh. (Lexo këtu)

Përveç “Lori Caffe”-së, Vjollca Hoxha është ortake me njerëzit e inceneratorëve edhe me kompaninë “KUDOPAY”, ku është aksionere së bashku me Stela Gugalljen, bashkëjetuesen e Mirel Mërtirit dhe nënën e dy fëmijëve të tij, edhe ajo e shpallur në kërkim për aferën e inceneratorëve. (Lexo këtu)

Përmes ortakërisë, media e Vjollca Hoxhës, “Top Channel”, që tashmë drejtohet nga vajza e saj Lori Hoxha, sulmon gazetarët që denoncuan aferën, prokurorët e SPAK-ut që kishin në dorë dosjen dhe propagandoi për inceneratorët. (Lexo këtu)

Lori Hoxha dhe Vjollca Hoxha

Një tjetër fakt që duhet theksuar është se “EM Capital Group” ka paguar paratë edhe për gjyqet dhe shantazhet ndaj gazetarëve.

CNA për vite me radhë ka denoncuar të gjithë skemën e një afere që shkon rreth 186 milionë euro, duke filluar nga Elbasani 24 milionë euro, Fieri 32 milionë euro deri te Tirana 130 milionë euro. (Lexo këtu)

Nga këto miliona euro, rreth 60 janë paguar nga kompanitë private për dherat dhe rreth 120 milionë nga shteti. (Lexo këtu)

Kontrata e lidhur mes “Integrated Energy BV SVP” me “EM Capital Group” konfirmon gjithçka që ka raportuar prej vitesh CNA./ CNA