web counter
LEXO PA REKLAMA!

SHKARKO APP

App Store
Google Play

E fundit!

x

Mashtrimi në arsim/ Ambasada e SHBA-së: 20-vjeçari prodhonte dokumente me vulat dhe emrat e zyrtarëve tonë

23 Korrik 2024, 11:52, Aktualitet CNA
Mashtrimi në arsim/ Ambasada e SHBA-së: 20-vjeçari prodhonte
Ambasada amerikane në Tiranë

Ambasada amerikane në Tiranë ka reaguar në lidhje me skemën e mashtrimit me programin arsimor, që premtonte udhëtime falas në Shtetet e Bashkuara për mësuesit dhe nxënësit.

Ambasada e SHBA-së deklaron se 20-vjeçari me ininciale E. H. që kishte ngritur këtë skemë prodhonte dokumente që mbanin vulat dhe emrat e zyrtarëve të ambasadës.

Gjithashtu, ambasada falënderon Policinë e Shtetit dhe Prokurorinë e Tiranës për hetimet 6-mujore që nxorën në pah mashtrimin.

“Ambasada e SHBA-së falënderon Policinë e Shtetit dhe Prokurorinë e Tiranës dhe i përgëzon për bashkëpunimin me Njësinë e Hetimit Kriminal Ndërkombëtar të Shërbimit Diplomatik të Sigurisë. Njësia e Hetimeve Kriminale Ndërkombëtare dhe Departamenti i Hetimeve Kriminale të Policisë së Shtetit kanë një njësi të posaçme që kryen hetime të përbashkëta. Një hetim gjashtëmujor nga kjo njësi speciale kulmoi me arrestimin e djeshëm të një individi që mashtronte duke paraqitur programe si të lidhura me ambasadën dhe prodhonte dokumente që mbanin vulat dhe emrat e zyrtarëve të ambasadës. Ambasada falënderon Drejtorin e Përgjithshëm të Policisë së Shtetit Muhamet Rrumbullaku, Drejtorin e Policisë Kriminale Neritan Nallbati, kreun e Prokurorisë së Tiranës Arenc Çela, prokuroren e çështjes Eloida Goxhi dhe oficerët e përkushtuar të Policisë së Shtetit për ndihmën e dhënë për këtë çështje”, thuhet në deklaratë./ CNA





Lajmet e fundit nga