web counter
LEXO PA REKLAMA!

SHKARKO APP

App Store
Google Play

Ambasada e SHBA-së thekson mbështetjen për SPAK-un: Po përparon në luftën kundër korrupsionit

22 Korrik 2024, 19:24, Aktualitet CNA
Ambasada e SHBA-së thekson mbështetjen për SPAK-un: Po
Ambasada e SHBA

Ambasada e SHBA për të disatën herë po e thekson fort mbështetjen ndaj institucioneve të drejtësisë.

Në kuadër të 8-vjetorit të miratimit të amendamenteve kushtetuese që i hapën rrugën reformës në drejtësi, Ambasada e SHBA-së ka nënvizuar se do të vazhdojë të qëndrojë pranë institucioneve të drejtësisë.

Theksohet se institucionet e drejtësisë kanë përparuar në luftën kundër korrupsionit.

“Në këtë përvjetor të tetë të miratimit njëzëri të amendamenteve kushtetuese që i hapën rrugën reformës në drejtësi, ne përgëzojmë popullin shqiptar për mbështetjen e tij në zbatimin e saj të pakthyeshëm.

Siç e kemi thënë gjatë gjithë kohës, reforma në drejtësi nuk do të ishte e lehtë, e shpejtë apo e përsosur, por ajo po jep rezultate dhe po e bën Shqipërinë një demokraci më të fortë.

Ne jemi krenarë që kemi qëndruar me popullin e Shqipërisë në këtë përpjekje të vështirë dhe të guximshme. Do të vazhdojmë të qëndrojmë pranë institucioneve të drejtësisë dhe qytetarëve të Shqipërisë, teksa ata vazhdojnë të bëjnë përparim në luftën kundër korrupsionit dhe sjelljen e Shqipërisë më pranë bashkësisë euro-atlantike të kombeve”, shkruhet në reagimin e Ambasadës së SHBA-ve./ CNA





Lajmet e fundit nga