web counter
LEXO PA REKLAMA!

SHKARKO APP

App Store
Google Play

Konflikti në Këshillin Bashkiak/ Teliti: Anëtarët e mazhorancës me porosi të Veliajt bllokuan mbledhjen

22 Korrik 2024, 18:28, Aktualitet CNA
Konflikti në Këshillin Bashkiak/ Teliti: Anëtarët e
Nënkryetari i Këshillit Bashkiak të Tiranës, Dorian Teliti

Nënkryetari i Këshillit Bashkiak të Tiranës, Dorian Teliti ka reaguar pas situatës të ndodhur në mbledhjen e Këshillit Bashkiak pasditen e sotme.

Teliti akuzoi këshilltarët e mazhorancës se me porosi të kryebashkiakut bllokuan mbledhjen dhe nuk lejuan të diskutohej asnjë çështje.

Në një deklaratë për mediat pas përfundimit të mbledhjes, Teliti denoncoi Veliajn për një tjetër aferë korruptive klienteliste, pasi po merret 600 m2 ambient dhe po jepet 432 mijë euro qera për 4 vjet.

“Në shkelje të plotë të ligjit dhe të rregullores së Këshillit Bashkiak, këshilltarët e majtë me porosi të Erion Velisë bllokuan mbledhjen dhe nuk lejuan asnjë pikë të rendit të ditës të diskutohej.

Në Linzë të Tiranës, ndonëse çerdhet janë domosdoshmëri dhe ne kemi denoncuar me forcë ditë për ditë se si çerdhet në Tiranë mungojnë, ndërkohë që taksa e infrastrukturës arsimore paguhet dhe janë arkëtuar mbi 50 milionë euro nga Erion Veliaj gjatë këtyre viteve dhe çerdhe nuk ka ndërtuar, sot Veliaj paraqit në Këshill Bashkiak 15 euro m2 qera në Linzë, në mes të Tiranës nuk jepet me 15 euro.

Aty qenka një tjetër aferë korruptive klienteliste që po merret 600 m2 ambient dhe po jepet 432 mijë euro qera për 4 vjet. Këtë donte të fshinte sot Erion Veliaj”, tha Teliti./ CNA





Lajmet e fundit nga