E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

AKCESK organizoi me mbështetjen e One Telecommunications dhe ALBtelecom trajnimin dyditor për “Menaxhimin e incidentit kibernetik”

29 Dhjetor 2022, 11:25, Aktualitet CNA

AKCESK organizoi me mbështetjen e One Telecommunications dhe ALBtelecom

Interneti dhe teknologjia e informacionit, gjithnjë e më shumë po impaktojnë shoqërinë dhe ekonominë në tërësi dhe bashkë me to rritet edhe rreziku ndaj kërcënimeve kibernetike.

Siguria dhe reagimi ndaj incidenteve kibernetike ishte kryefjala e një trajnimi të thelluar për "Menaxhimin e incidentit kibernetik" që AKCESK organizoi dy ditë radhazi, me të gjitha Infrastrukturat Kritike të Informacionit, të ndara sipas sektorëve, në përmbushje të objektivave të "Strategjisë Kombëtare për Sigurinë Kibernetike 2020-2025".

Qëllimi i trajnimit ishte rritja e kapaciteteve profesionale të nevojshme për operatorët e infrastrukturave kritike në Shqipëri, si një ndër objektivat kryesore të Autoritetit Kombëtar për Certifikimin Elektronik dhe Sigurinë Kibernetike.

AKCESK organizoi me mbështetjen e One Telecommunications dhe ALBtelecom

Gjithashtu gjatë trajnimit dy ditor për t’i bërë sa më konkrete dhe praktike njohuritë e marra u organizua një stërvitje kibernetike, me skenarë të mbështetur në praktikat më të mira.

Të qenit vigjilent dhe i përgatur mbeten përherë motoja e aktiviteteve që ofrojnë mundësi për të diskutuar rreth sfidave të sigurisë kibernetike.

One dhe ALBtelecom është një kompani e përgjegjshme sa u takon çështjeve sensitive që lidhen me sigurinë në internet, duke investuar në marrjen e masave të duhura, në mënyrë që abonentët të jenë të sigurt për ruajtjen dhe mirëmbajtjen e të dhënave të tyre.

Në ditët e sotme siguria kibernetike është prioritet i infrastrukturave kritike të informacionit, duke përfshirë edhe biznesin.