Mësohen detaje të reja lidhur me ngjarjen e ndodhur mbrëmj...
AliBashët nuk i ndahen misionit/ Deputeti përçarës shfaqet i "pezmatuar" pas drekës së demokratëve
28 Dhjetor 2022, 18:01, AktualitetCNA
Foto nga dreka
Ditën e sotme Partia Demokratike u mblodh në një drekë, me rastin e festave të fundvitit.
Duke lënë mënjanë mëritë, dhe duke treguar se mendimi ndryshe respektohet, demokratët u mblodhën rreth një tryeze, që me siguri gëzoi shumë demokratë, që kanë parë ndodhitë e fundit brenda partisë më të madhe opozitare në vend.
Pjesë e drekës ishin edhe disa deputetë të grupit të AliBashëve, ndër ta edhe Jorida Tabaku.
Gjithsesi disa përçarës sërish nuk bënë një hap mbrapa, dhe nuk iu bashkuan drekës së thirrur nga deputeti Xhelal Mziu.
E pjesë e atyre që refuzuan ftesën ishte edhe Gazmend Bardhi, i cili bëri edhe një reagim pak më parë.
Duke vijuar misionin e tij të përçarjes, ai tregoi hapur se kjo drekë nuk i gëzoi disa ‘elementë” të grupit të AliBashëve.
Për më tepër ai u shpreh se kjo drekë është “keqpërdorim për qëllime politike i një dreke miqësore, është akt dëshpërimi”.
“Keqpërdorimi për qëllime politike i një dreke miqësore të organizuar nga kolegu Xhelal Mziu me rastin e festave të fundvitit, është akt dëshpërimi. Në vaki, festa, apo dasma, të ftuarit nuk zgjedhin dot njëri tjetrin. Ky nuk përbën asnjë fillim të vjetër apo të ri dhe dreka e sotme nuk kishte asnjë mesazh politik! Faleminderit kolegut Mziu për ftesën dhe Gëzuar Festat! ”- shkruan Gazmend Bardhi në rrjetet sociale./CNA.al
