E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Sa herë e ka kapërcyer ylberin Shemsi Prençi?

28 Dhjetor 2022, 12:08, Aktualitet CNA

Dje Shemsi Prençin e pamë të shfaqej në një takim të Enkelejd Alibeajt, me grupin e përçarësve të Partisë Demokratike dhe të atyre që kanë rrëmbyer vulën.

Një pakicë e keqpërdorur nga kryeministri që tashmë po bën pazare me vende pune, në marrëdhënie me amerikanët, me lloj-lloj gënjeshtrash, duke marrë peng një pjesë të opozitës.

Sa herë e ka kapërcyer ylberin Shemsi Prençi?

Shemsi Prençi gjatë nje takimi në Kamëz me Enkelejd Alibeajn

Sot do të shikojmë një nga emrat më spektakolarë të kapërcimit të ylberit në politikë. Ai është Shemsi Prençi.

Demokrat në vitet e tij të para, me ardhjen e PD-së, në pushtet bëhet drejtor i rëndësishëm policie, në Korçë e Drejtori qendrore të policisë, dhe më pas largohet.

Sa herë e ka kapërcyer ylberin Shemsi Prençi?

Largohet sepse nuk pranon të zbatojë ligjin për të ndërhyrë në Kamëz, kur gjatë një proteste të paligjshme bllokohet ura që të çon në aksin kryesor drejt veriut të vendit.

Nuk iku për moral, iku për politikë. Më pas bashkohet me socialistët. Qëndron në mandatin e Ramës, drejtor i emergjencave civile.

Shemsi Prençi dhe kryeministri Edi Rama

Largohet nga PS-ja dhe kalon me LSI-në.

Në zgjedhjet e fundit parlamentare ishte një nga mbështetësit kryesorë të Ilir Metës.

Shemsi Prençi dhe Ilir Meta

Para pak javësh u shfaq si kandidat kryesor i opozitës për Bashkinë e Kamzës.

Garoi në Primare, humbi turpshëm dhe së fundmi është shfaqur në krah të Enkelejd Alibeajt.

Shemsi Prençi në fushatën e Primareve

Kapërcime të ylberit sa te PD-ja, sa te PS-ja, te LSI-ja, te Berisha, tek Alibeaj thjesht dhe vetëm për interes, o bëhem unë, o s’ka.

Është i papërsëritshëm rasti i Shemsi Prençit, në mënyrën se si ai e kapërcen ylberin, shkon sa këtu e sa atje dhe kthehet sërish diku tjetër, vetëm e vetëm për të marrë një ofiq.

Tani po i shërben Enkelejd Alibeajt, i cili e përdori te Primaret për të ngritur një zallamahi, sikur kishte probleme me zgjedhjet në Kamëz.

Kandidoi jo për të fituar, kandidoi për t’i prishur zgjedhjet.

Koha nuk vonoi dhe e tregoi. Shemsi Prençi shkon pas Alibeajt, me shpresën se mund të jetë kandidat i këtij të fundit në ndonjë bashki.

Kapërcimet e ylberit janë të zakonshme në politikë, por Prençi është nga më spektakolarët dhe më të pabesueshmit se si kalon nga një krah në tjetrin, nga një ekstrem në tjetrin dhe në fund prej disa kohësh, mesa duket, të gjithë e kanë kuptuar, nuk i japin më asgjë./CNA.al