web counter
LEXO PA REKLAMA!

SHKARKO APP

App Store
Google Play

E fundit!

x

103 vjet kryeqytet/ Veliaj: Po punojmë të harrojmë ditët e errëta të Tiranës

12 Shkurt 2023, 13:57, Aktualitet CNA
103 vjet kryeqytet/ Veliaj: Po punojmë të harrojmë ditët e
Kryetari i Bashkisë Erion Veliaj

Kryetari i Bashkisë, Erion Veliaj, në kuadër të 103-vjetorit të Tiranës kryeqytet, ka përcjellë një videomesazh, ku rendit sfidat dhe sukseset.

“Kryeqyteti ynë po kalon ditët më të mira që nga koha e ekzsitencës së tij. Tirana ishte Kryeqyteti Europian i Rinisë dhe përveç 1000 aktiviteteve rinore, shënjoi plot suksese të tjera, si organizimi i përkryer i finales së Konferencë Ligës me Romën dhe Fejnordin në Tiranë dhe tifozët respektivë, Festivalin 'Sunny Hill', apo edhe koncerte si ai i Ermal Metës, Dua Lipës dhe Rita Orës e qindra aktivitete të tjera. E mbyllëm vitin me vlerësimin më dinjitoz që kemi marrë ndonjëherë nga ana politike e diplomatike, ku mes shumë qyteteve europiane dhe ballkanike, Tirana u zgjodh mikpritësja e Samitit të BE-së, i pari Samit që organizohej ndonjëherë në një qytet jashtë Bashkimit Europian, dhe ky qytet ishte Tirana jonë,” ka thënë Veliaj.

Më tej në videomesazhin e tij, Veliaj tha se për të mbërritur deri këtu është punuar shumë për të çrrënjosur ditët e zymta të Tiranës kaotike të viteve ‘90.

“Gjatë këtyre 30 viteve të fundit, sidomos pas rënies së komunizmit, fatkeqësisht, Tirana ka pasur ditët e saj të errëta, kur punët nuk i kanë shkuar edhe aq mirë ose i ka ngecur sahati në vend. Këtu kam parasysh ditët e kioskëzimit, ndërtimeve pa leje, zaptimit, rrëmujës, trafikut dhe zhulit. Një Tiranë që askush nuk ndihet krenar kur e kujtojnë dhe po punojmë çdo ditë që t’i harrojmë ato ditë të errëta të Tiranës së tranzicionit,” ka treguar ai./ CNA.al





Lajmet e fundit nga