Kuvendi nis sesionin e dytë sot/ Berisha kthehet në vendin e tij

17 Janar 2022, 08:42, Politikë CNA
Kuvendi nis sesionin e dytë sot/ Berisha kthehet në vendin e tij

Sot nis sesioni i dytë parlamentar i legjislaturës së dhjetë.

Në rendin e ditës, Kuvendi njofton se ka vetë një pikë, që është miratimi i  procesverbalit të mbledhjes së kaluar dhe fjala përshëndetëse e presidentit turk Rexhep Tayp Erdogan.

Sot në Kuvend pritet të kthehet edhe ish-kryeministri Sali Berisha, ashtu siç ka njoftuar ai më herët.

Berisha është shprehur se do të ulet në vendin e tij të deputetit bashkë me deputetët e tjerë që janë pjesë e Komisionit të Rithemelimit të PD.

Nga ana tjetër Lulzim Basha, ka kërkuar që të bëhet ndryshim nënkryetarësh, edhe pse janë të shkarkuar nga demokratët.

Në vend të Enkelejd Alibeaj, zëvendës i Lindita Nikollës Basha ka propozuar  Agron Gjekmarkajn.

Në këtë sesion pritet të diskutohen ndryshimet kushtetuese për shtyrjen e mandatit të organeve të Vettingut deri në fund të 2024.

Kujtojmë se PS kërkon shtyrjen e këtij mandati ndërsa  nga PD nuk ka ende një qëndrim zyrtar për këtë çështje./E.S-CNA.al

Lajmet e fundit nga