“Çfarë skandali, katastrofë”/ Profesori “shuplakë” mediave: Industria e plehrave u mbyll gojën

16 Janar 2022, 10:00, Politikë CNA
“Çfarë skandali, katastrofë”/ Profesori

Profesor Artan Fuga e ka cilësuar skandaloze, faktin se shumë media në vend janë paguar nga kompanitë e inceneratorëve.

Në një postim në rrjetet sociale, Fuga shkruan se industria e plehrave u ka mbyllur gojën mediave.

?Një studjuese e re, dhe gazetare më paraqiti një punim të shkëlqyer mbi reklamat në televizione ku promovohet industria e plehrave!

Aman mo aman, por sa qesharake janë! Sa qesharak bëhet njeriu për lekë! Sa qesharakë janë kur rendin për një grusht lekësh të ndotur me plehra!

Pas qeses me parà!

Pa lëre po na e paraqesin industrinë e plehrave si laboratore shkencore ku mësojnë shkencën studentët! Gënjeshtra, inskenime, teatër!

Dhe pastaj industria e plehrave u mbyll gojën!

Cfarë katastrofe! Mirë mo mirë por të paktën mos ndyeni figurën e shenjtë të studentit me plehra! Mos ngatërroni shkencën me plehrat! Mos përdorni universitetet për të “pastruar” imazhin e plehrave në opinionin publik! Mos përdorni studentët e shkretë si kukulla për të mbuluar plehrat!

Cfarë skandali!

Shihini, shihini, dhe do të shkuleni gazit, apo vajit, se ku ka arritur puna!

Merr lekë nga plehrat dhe dil nëpër studio televizive dhe jep opinione për politikën, në mënyrë të pavarur sigurisht, por me aroma plehrash amà!

Bërë bashkë industria e plehrave, kërkimi shkencor, media të ndryshme, opinionistë, politika!?-shkruan profesor Fuga./CNA.al

Lajmet e fundit nga