Basha dhe Gaz Bardhi kapen duke gënjyer/ Rushaj nuk është i sëmurë, ja ku ndodhet

15 Janar 2022, 18:22, Politikë CNA
Basha dhe Gaz Bardhi kapen duke gënjyer/ Rushaj nuk është i

Gazment Bardhi ka dalë dhe ka folur për ndryshimet e fundit në PD. Për largimin e Alfred Rushajt nga drejtimi i grupit parlamentar, Bardhi tha se ai është i sëmurë me Covid dhe ndodhet në gjendje të rëndë, ndaj kjo ishte sipas tij arsyeja kryesore e ndryshimit.

Të njëjtën gjë ka thënë edhe Lulzim Basha në mbledhjen e Këshillit Kombëtar.

CNA.al ka bërë një verifikim të sistemit TIMS dhe rezulton se zoti Rushaj ka dalë sot në kufi të Malit të Zi drejt Kroacisë. Zoti Rushaj ish nënkryetari i PD dhe grupit parlamentar ka dhënë dorëheqjen me një vendim personal të cilin ia ka paraqitur Lulzim Bashës dhe ka zgjedhur të mos jetë prezent në mbledhjen e Këshillit Kombëtar të PD-së por të shkojë jashtë vendit.

Lajmi se zoti Rushaj është i sëmurë me Covid është një fake news i artikuluar nga Lulzim Basha dhe Gazment Bardhi, pasi ai e ka kaluar pak javë më parë. CNA.al e ka verifikuar dhe të njëjtën gjë konfirmuan edhe familjarët e tij  të cilët thanë se zoti Rushaj gëzon shëndet të plotë dhe se është në një udhëtim drejt Kroacisë./CNA.al

Lajmet e fundit nga