Dokumentet ekskluzive-Thellohet skandali i inceneratorëve/ Miliona për Stela Gugallen dhe Klodian Zoton

15 Janar 2022, 09:32, Aktualitet CNA
Dokumentet ekskluzive-Thellohet skandali i inceneratorëve/ Miliona për

Skandali në lidhje me koncesionin e inceneratorëve, e quajtur afera më e madhe korruptive në këto 30 vite demokraci, për të cilën ka përfunduar në pranga edhe një ish-ministër, vijon të thellohet.

Por, mesa duket skandalet në lidhje me këtë aferë nuk kanë të sosur.

CNA.al ka siguruar të tjera dokumente, të cilat tregojnë sesi pronarët e koncesionit të inceneratorëve kanë paguar edhe veten e tyre, për ?konsulencë?.

Sipas tabelës më poshtë, pronarët e inceneratorëve, në vetëm shtatë fatura të vitit 2021, kanë paguar kompaninë ?Zoto Consulting?, miliona lekë.

Tabela tregon qartë, se kompania në fjalë është paguar rregullisht me rreth 6 milionë lekë në muaj.

Që në një total i bie të ketë marrë 4.200.000 lekë, për vetëm 7 muaj.

Pra vetë Klodian Zoto ka paguar veten e tij, 42 milionë lekë për vetëm shtatë muaj.

Kush është ZOTO Consulting?

Sipas ekstraktit zyrtar, ZOTO Consulting është regjistruar në QKB, në 15/09/2017. Dhe aksioner është Klodian Zoto me 90% të aksioneve. Si dhe Denisa Tollkuçi me vetëm 10% të aksioneve.

Kjo e fundit, është një emër i cili del edhe tek inceneratorët. (Lexo këtu)

Pra, Klodian Zoto këshillon vetveten dhe paguan veten me miliona lekë në muaj.

Por, jo vetëm Zoto ka nevojë të këshillohet nga Zoto. Pra, të këshillojë vetveten.

Edhe Stela Gugallja, pronarja e incenerarorit të Elbasanit, e shpallur në kërkim, gjithashtu ka paguar veten, për konsulencë.

Sipas dokumentit më poshtë, në shtatë fatura, të vitit 2021, ?Consulting SE Partners?, është paguar me një shifer prej rreth 11 milionë lekë në muaj, nga pronarët e inceneratorëve.

Pra, në një total për vetëm shtatë muaj, kjo kompani është paguar nga pronarët e inceneratorëve, mbi 70 milionë lekë.

?Consulting SE Partners?, është regjistruar në QKB me 06/10/2017 dhe Stela Gugallja ka 80% të aksioneve. Ndërsa 20% i ka Julia Demneri. Kjo e fundit është edhe administratore, prej datës 25/09/2021. Ndërsa para kësaj date, administratore ishte Stela Gugallja, pronarja e inceneratorit të Elbasanit.

Pra edhe Stela Gugallja është paguar për të konsultuar veten, ashtu si dhe Klodian Zoto.

Pra, meqë janë pronarë kanë nevojë edhe për ?konsulta?, duke marrë dhjetëra milionë lekë.

Nga ana tjetër kujtojmë këtu se në disa shkrime ekskluzive, CNA.al ka treguar sesi pronarët e inceneratorëve, janë në ortakëri me pronarë apo drejtues mediash. (Lexo këtu)

Gjithashtu, CNA.al nëpërmjet dokumenteve ka treguar sesi ?plehrat? i kanë kyçur gojën shumë mediave, por edhe të ashtuquajturve gazetarë, që dalin e bëjnë avokatinë publike të kësaj afere.(Lexo ketu)

Dokumentet tregojnë sesi janë paguar me miliona euro, televizione, apo edhe portale periferike. Por, edhe vetë pronarët kanë paguar veten e tyre, për konsulencë./CNA.al

Si nisi koncesioni i inceneratorëve, emrat e përfshirë dhe blerja e mediave/ Fundo zbërthen aferën korruptive  

Skema korruptive e inceneratorëve/ Zyrtarët e përfshirë dhe ortakëritë me Ben Blushin dhe Vjollca Hoxhën

Mercenarët e inceneratorëve

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Lajmet e fundit nga