LEXO PA REKLAMA!

SHKARKO APP

Ndërhyrja në selinë e PD/ Policia e Shetit “hedh poshtë” Bardhin: Keqardhje për zërat dashakeq

13 Janar 2022, 21:41, Aktualitet CNA
Ndërhyrja në selinë e PD/ Policia e Shetit “hedh

Policia e Shtetit ka hedhur poshtë akuzat e sekretarit të shkarkuar Gazment Bardhi, i cili nga studio e Opinion u shpreh se uniformat blu u vonuan disa minuta pasi ai i lajmëroi.

Por në një reagim për media, Policia ka hedhur poshtë akuzat e Bardhit, duke thënë se asnjë nga deklaratat e tij nuk është e vërtetë.

Po ashtu, blutë theksojnë se ndërhyrja e tyre ishte konform ligjit dhe rregullave.

Reagimi i plotë:

Policia e Shtetit referuar deklaratave të bëra nga Sekretari i Përgjithshëm i Partisë Demoktarike Gazment Bardhi gjatë emisionit në Opinion në TV KLAN, sqaron dhe informon opinionin publik dhe të gjithë ata që janë të interesuar se:

Reagimi për ndërhyrjen gjatë protestës së ndodhur në datën 8 janar, është bërë konform ligjit dhe rregullave që përcaktojnë qartësisht detyrat e Policisë së Shtetit dhe rastet se kur  ndërhyhet në ambientet e një selie të një partie politke.

Hedhim poshtë çdo akuzë, aludim apo insinuatë të shprehur gjatë këtij emisioni, dhe jo vetëm për implikime të zyrtarëve të Policisë në skenarë  akte dhune gjatë protestës dhe menaxhimit të gjithë situatës.

Sqarojmë opinionin publik se Policia e Shtetit nuk ka ndërhyrë me vonesë, por ka kryer detyrat e saj bazuar në aktet ligjore e nënligjore dhe ka menaxhuar me profesionalizëm e paanshmëri protestën e datës 8 janar 2022.

Keqardhje për zëra të pavërtetë dhe dashakeqës ndaj punës së Policisë, e cila edhe për masat e marra në protestën e datës 8 janar ka marrë vlerësimet maksimale nga OSBE dhe organizma e partnerë të tjerë ndërkombëtarë./CNA.al

Lajmet e fundit nga