Beteja për Sinecin/ SPAK dorëzon dosjen në prokurorinë e Beratit: S’ka korrupsion

11 Janar 2022, 14:36, Aktualitet CNA
Beteja për Sinecin/ SPAK dorëzon dosjen në prokurorinë e

SPAK shpall moskompetencen për çështjen që lidhet me ndërtimin e ujësjellësit të fshatit Lumas në Kuçovë dhe dërgon çështjen për Prokurorinë e Beratit. Vendimi u mor 6 muaj pasi ky institucion u vu në lëvizje nga 123 banorët e këtij fshati që kërkuan ndjekje penale për kryetarin e Bashkisë Kuçovë, Kreshnik Hajdari, dhe drejtuesit e kompanisë së ndërtimit ?Salillari?.

Dosja me firmën e prokurorit të çështjes, Altin Dumani, delegohet për kompetencë lëndore në prokurorinë e rrethit Berat.

Vendimi për të transferuar çështjen në Berat erdhi pasi prokurori Dumani kishte hetuar dhe sekuestruar të gjithë praktikën e ndjekur nga Bashkia Kucovë, në lidhje me tenderin dhe shpalljen e fituesit. Ujësjellësi ishte parashikuar të ndërtohej në lumin Sinec, zonë e mbrojtur dhe shpallur Monument Natyre. SPAK ka dokumentuar në fund se gjatë hetimit nuk janë vënë re elementë të veprës penale ?Shpërdorim detyre? dhe të ?Pabarazisë në tendera?.

Leja për ndërtim është dhënë me firmë të kryetarit të Bashkisë Kuçovë, Kreshnik Hajdari. Më 3 korrik të vitit të shkuar, banorët e Lumasit bënë kundër kryebashkiakut Kreshnik Hajdari, përfaqësuesit të kompanisë ndërtuese Salillari, Pëllumb Salillari si dhe ministrit Blendi Klosi një padi në SPAK.

Me urdhër të prokurorëve punimet u bllokuan dhe nisën hetimet për të ashtuquajturin ujësjellës, që në fakt do jetë fabrikë uji. Nga banorët, ndërtimi i këtij ujësjellësi u konsiderua si një aferrë korruptive pasi në Lumas, Pëllumbas, Shqezë, Vodez, Bardhaj, janë ndërtuar 4 ujësjellës dhe kjo zonë nuk ka nevojë për ujë ashtu siç pretendon Bashkia që ka konkluduar në dhënien e lejes së ndërtimit. Prej më shumë se 3 muajsh, banorët e zonës protestuan kudër këtij ndërtimi, me argumentin se tenderi i Bashkisë së Kuçovës me  vlerë 361 milionë lekë të reja, është një aferë korruptive e kryebashkiakut Hajdari dhe biznesmenit të kompanisë ?Salillari?./mcn

Lajmet e fundit nga