Banorët e Postribës protestojnë për ujin e ndotur nga punimet e gurores

10 Janar 2022, 14:14, Aktualitet CNA
Banorët e Postribës protestojnë për ujin e ndotur nga

Banorët e Postribës kanë protestuar sërish për ndotjen e ujit të pijshëm.

Dhjetëra banorë ditën e sotme iu drejtuan zyrës qendrore të Ujësjellës-Kanalizimeve në Shkodër për të kërkuar zgjidhje, pasi sipas tyre punimet në guroren pranë ujësjellësit shkaktojnë ndotjen.

?Aty bëhet një katastrofë, gurorja sipër hedh të gjitha mbeturinat mbi burimin në lumin Rasek. Bëhen gërmime, drejtorit i kemi bërë thirrje para 3 viteve dhe ka lëshuar një dokument që nuk i bën asgjë. Sot janë pasojat e asaj pune?, shprehet një banor.

Një përfaqësi e banorëve së bashku me administratorin e Postribës, Altin Shabaj pas insistimit u takuan me drejtuesin e Ujësjellës-Kanalizimeve Shkodër, Mark Molla me të cilin u arrit një marrëveshje e përkohshme.

?Sipas detyrave dhe kërkesave tona, drejtori na dha një përgjigje që dje ka bërë verifikimet në terren dhe nuk do të ketë asnjë punim afër burimit të ujësjellësit sa i përket gërmimeve në përrua dhe hedhjes së inerteve. Me shterjen e përroit të Rrasekut do bëhet ndarja e burimit të ujit nga uji i përroit?, u shpreh Altin Shabaj, administratori i Postribës.

Ndryshe nga pretendimet e banorëve që gurorja dëmton ujin e pijshëm, drejtuesi i UKSH thotë se një gjë e tillë nuk rezulton e vërtetë./euronews

Lajmet e fundit nga