U mbyt në kopësht/ Nëna e 3-vjeçarit rrënqeth me fjalët: Edukatorja më ka gënjyer

10 Janar 2022, 09:38, Aktualitet CNA
U mbyt në kopësht/ Nëna e 3-vjeçarit rrënqeth me

Familjarët e 3-vjeçarit që ndërroi jetë në një kopsht privat në Fier janë mbledhur sot para prokurorisë për të kërkuar drejtësi.

Në një rrëfim mes lotësh, nëna e 3-vjeçarit tregon ishte edukatorja e kopshtit që e mori në telefon për ngjarjen.

Sipas nënës së viktimës, edukatorja i kishte thënë se djali ishte përmendur ndërsa më pas doktorët e kishin njoftuar se i mitur ndërroi jetë.

?Edukatorja më ka gënjyer, më ka marrë mua të parën në telefon më tha është mbytur me litar të bluzës, është në gjendje të mirë dhe është përmendur. Në momentin që shkova në spital, më thanë është futur në sallë të operimit, pastaj doktori më tha fëmija ka ardhur pa jetë këtu. Na thanë ka kamera sigurie, por kur shkuam nuk kishte. Djali 15 kg nuk ka mundësi të mbytej nga varësja. Kërkoj drejtësi për shpirtin e Noas tim?, tha nëna mes lotësh./CNA.al

 

Lajmet e fundit nga