Nisin punimet në Qafë-Kashar-Rinas/ Ja si devijon trafiku

10 Janar 2022, 10:51, Aktualitet CNA

Sot që nga ora 05:00 e mëngjesit, ka filluar ndërhyrja për rehabilitimin e segmentit rrugor Kryqëzim Rinas (aeroport)-Qafë Kashar (kthesa Rinas), punimet do të ndiqen nga Autoriteti Rrugor Shqiptar dhe Policia e Shtetit.

Sipas ARRSH-së, punimet e planifikuara kanë për qëllim përmirësimin e sigurisë rrugore dhe konsistojnë në disa aspekte.

?Skarifikimin e shtresave egzistuese asfaltike dhe realizimin e të gjitha shtresave të reja asfaltike në të gjithë gjatësinë.

Rifreskimin e sinjalistikës rrugore dhe masave të sigurisë rrugore përgjatë të gjithë segmentit rrugor Kryqëzim Rinas?Rinas-Qafë Kashar?, thuhet në njoftimin e ARRSH-së.

Punimet parashikohet të realizohen sipas grafikut të punimeve të miratuar, i cili do të zgjasë për një periudhë 30 ditore kjo edhe në varësi të kushteve atmosferike.

Nëse do të jetë mot i papërshtatshëm, me reshje shiu, grafiku do të shtyhet me përmirësimin e motit.

Kryerja e punimeve do të bëhet përgjatë gjithë ditës me orë të zgjatura dhe do të ndahet me 3 (tre) faza.

Punimet në këtë segment do të vazhdojnë për 7-10 ditë.

Dita e parë e punimeve do të jetë në Qafë Kashar dhe përfundimi në Universitetin Epoka, do të punohet në të dyja korsitë.

Mjetet që lëvizin në drejtimin Qafë Kashar-Rinas në drejtim të aeroportit të devijohen në autostradë në drejtimin Qafë Kashar?Vorë-Rinas.

Mjetet do të udhëzohen të përdorin edhe kalime të tjera në rrugën dytësore. Segmenti i autostradës Qafë Kashar?Vorë dhe Vorë?dalje Fushë Krujë?Kryqëzim Rinas?Rinas (Aeroport)?Universiteti Epoka dhe anasjelltas do të jetë i aksesueshëm.

Punimet në këtë segment do të vazhdojnë për 5-7 ditë.

Mjetet që lëvizin në drejtimin Qafë Kashar-Rinas drejtim të aeroportit do të devijohen në autostradë në drejtimin Qafë Kashar?Vorë-Rinas.

Faza e dytë e punimeve do të jetë nga Universiteti Epoka?Rinas aeroport do të punohet në të dyja korsitë. Mjetet do të devijohen nga Qafë Kashari-Universiteti Epoka ndërsa nga Epoka deri në Rinas Aeroport do jetë e bllokuar.

Mjetet do të shfrytëzojnë edhe rrugët dytësore për në Dalje Autostradë-Drejtimi Durrës.

Gjatë Fazës së parë dhe të dytë të gjitha lëvizjet hyrëse dhe dalëse në Aeroportin e Rinasit do të bëhen në drejtimin nga Rinasi (Aeroporti?K/Rinas (Ahmetaq)?Vorë?Tiranë-Durrës dhe anasjelltas).

Punimet në këtë segment do të vazhdojë për 7-10 ditë.

Faza e tretë e punimeve do të jetë nga Rinas Aeroport-Kryqezim Rinas(Ahmetaq), ku do të punohet në të dyja korsitë. Mjetet do të devijohen në Degëzimin e Rinasit në drejtim të Vorës për në Hyrjen e Autostradës Tiranë?Durrës dhe do të përdorin segmentin Qafë Kashar?Rinas (aeroport)./E.S-CNA.al