Greqia shtyn masat anti-Covid/ Ministria e Jashtme bën njoftimin e rëndësishëm për shqiptarët

11 Janar 2022, 13:59, Aktualitet CNA
Greqia shtyn masat anti-Covid/ Ministria e Jashtme bën njoftimin e

Ministria për Evropën dhe Punët e Jashtme ka bërë një njoftim të rëndësishëm për shtetasit shqiptarë që duan të udhëtojnë drejt Greqisë.

MEPJ njofton se shteti grek ka shtyrë masat aktuale anti-Covid deri më datë 24 janar 2022.

Të gjithë shtetasit shqiptarë që udhëtojnë drejt Greqisë, pavarësisht kombësisë, pavarësisht në qoftë se janë të vaksinuar ose kanë qenë të diagnostikuar me COVID-19, janë të detyruar të paraqesin:
-Test negativ PCR, kryer brenda 72 orëve, përpara udhëtimit.

OSE
-Test të shpejtë antigjenik, kryer brenda 24 orëve para udhëtimit.

-Të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF (Passenger LocatorForm), në adresën elektronike ? https://travel.gov.gr, me të dhënat e tyre të kontaktit në Greqi, përpara mbërritjes.

-Masa vlen për të rriturit dhe fëmijët mbi 5 vjeç, pavarësisht nga vaksinimi.

Pikat kufitare të Kakavisë, Kapshticës dhe Qafë-botës funksionojnë gjatë 24 orëve. Pika kufitare e Tre Urave funksionon nga ora 08:00 deri në orën 20:00.

Lajmet e fundit nga