web counter
LEXO PA REKLAMA!

SHKARKO APP

App Store
Google Play

Skandali me të dhënat private/ Si u varros nga Qeveria me një marrëveshje për sigurinë kibernetike

11 Janar 2022, 10:03, Aktualitet CNA

Është dashur të publikohen të dhënat private të qytetarëve, duke filluar që nga numri i identitetit, pagat, targat dhe numrat e telefonave që ti bëhet jehonë një marrëveshjeje për forcimin e sigurisë kibernetike.

Sot është firmosur marërveshja në fjalë me kompaninë amerikane ?Jones International? .

Në një konferencë për shtyp, kryeministri Edi Rama tha se vlerëson bashkëpunimin për të adresuar sfidën e madhe për ngritjen e një qendre kombëtare sigurie për mbrojtjen kibernetike.

 “Një sfidë e jashtëzakonshme por jemi të bindur që duke pasur ndihmën e amerikanëve, do ja dalim të kemi një qendër kombëtare sigurie kibernetike që do jetë një vlerë e shtuar edhe për vetë NATO-n duke dhënë shërbime edhe përtej kufijve të Shqipërisë. Patëm një ngjarje të rëndë me rrjedhjen e pagave të punonjësve në Shqipërisë.Ky lajm sot është shumë i mirë për ata që u lënduan nga dalja e të dhënave personale. Ishte një e keqe që nuk erdhi vetëm për keq pasi shqiptarët panë me sytë e tyre një problem të cilin sot e kemi më të lehtë se dje që ta adresojmë në aspektin e marrëdhënies ligjore dhe morale të shumë punëdhënësve me shtetin dhe punonjësit. Qytetarët përjetuan edhe efektet negative të një sulmi mbi sistemin çka e bën marrëveshjen e sotme edhe më të mirëseardhur për ta.? u shpreh Rama./CNA.al





Lajmet e fundit nga