web counter
LEXO PA REKLAMA!

SHKARKO APP

App Store
Google Play

Bardhi përplaset me policinë në oborrin e PD-së: Përse jeni në një pronë që nuk mund të hyni?

8 Janar 2022, 19:29, Aktualitet CNA

Sekretari i Përgjithshëm i PD-së Gazment Bardhi u përplas verbalisht me punonjësit e policisë së shtetit që ndodhen në hyrjen e selisë blu.

 

Bardhi ka kërkuar nga polici se kush është arsyeja që po ndalohen anëtarët e Këshillit të PD , dhe kush është arsyeja që policia qëndron ende në polici.

 

Debati në oborrin e PD-së

Gazment Bardhi: Kush është shefi juaj? Ju lutem më thoni, shkoj te hyrja më thonë shko atje, vij këtu më thonë, shko atje.

Polici: Nuk jemi ne ai autoritet. E di shumë mirë ti, mirupafshim.

Gazment Bardhi: Detyrën ti nuk e bën dot në shkelje të ligjit. Pse po bëni ndalime?

Polici: Edhe sot je i paqartë përse janë shoqëruar në komisariat?

Gazment Bardhi: Ne kemi qenë në një mbledhje pune, ju nuk keni qenë, secili është kontrolluar në prezencë të prokurorëve. A mund të ma jepni edhe mua arsyet?

Polici: Besoj për të sqaruar rrethanat e ngjarjes së sotme. Drejtohu për informacion zyrës së shtypit.

Gazment Bardhi: Për cfarë po qëndroni këtu?

Polici: Vazhdo fol, ne jemi në punën tonë.

Gazment Bardhi: Kush është puna juaj? Cfarë po bëni tani në oborrin e PD-së? Është pronë e PD-së, përse jeni tani në një pronë që nuk mund të hyni?

Polici: Nuk të jap asnjë deklaratë. Ne do të ikim kur duam ne dhe jo ju.

Gazment Bardhi: Jo, jo.

Polici: Mirë, vazhdoni atëherë./CNA.al





Lajmet e fundit nga