E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

“Mirënjohje të thellë”/ Berisha akuza Ramës dhe Vuçiç, si Merkel shmangu konfliktin në rajon

3 Dhjetor 2021, 13:46, Politikë CNA

Ish-kryeministri Sali Berisha shprehj mirënjohjen e thellë ndaj Angela Merkel, e cila sot i dorëzoi detyrën kancelarit të ri të Gjermanisë, Olaf Scholz.

Në një postim në rrjetet sociale, Berisha shkruan se Zonja Merkel me Nismën e Berlinit ishte një avokate e interesave dhe aspiratave Europiane të popujve të vendeve të Ballkanit Perëndimor.

Më tej, Berisha hedh akuza ndaj kryeministrit Edi Rama dhe presidentit serb, Vuçiç, se sipas tij zhbënë ?Procesin e Berlinit?, për të ruajtur pushtetin e tyre.

Po ashtu, Berisha shkruan se me qëndrimin e saj të prerë e vizionar kundër ndarjes dhe coptimit të Kosovës, Merkel shmangu ndezjen e një konflikti të ri në rajonin tonë.

?Mirënjohje të thellë!

Miq, sot Anxhela Merkel, gruaja më e shquar e kombit të saj në të gjitha kohrat dhe njëra nga kancelaret më të suksesshme në historinë e Gjermanisë dorëzoi pas 4 mandatesh detyren kancelarit të ri Olaf Scholz. Nën drejtimin e saj të mencur Gjermania vetishëm mori udhëheqjen politike të Europës, Bashkimit Europian.

Ajo me vendosmëri, urtësi dhe mençuri shpëtoi disa vende të BE nga kriza e rëndë financiare dhe parandaloi përshkallëzime konfliktesh në kontinentin tonë. Zonja Merkel me Nismën e Berlinit ishte një avokate e interesave dhe aspiratave Europiane të popujve të vendeve të Ballkanit Perëndimor.

Këto aspirata nuk njohen përparimin e duhur për shkak të klikave të gangsterëve në pushtet Beograd- Tiranë, Vuçiç-Rama, të cilët për të ruajtur pushtetin e tyre, zhbënë standartet europiane dhe bënë gjithçka si të papërgjegjshëm të zëvëndesojnë në funksion të serbomadhisë procesin e Berlinit me aleancen trilaterale Beograd-Tiranë-Shkup të rrezikshme për paqen dhe stabilitetin e rajonit.

Sot mbarë shqiptarët duhet t?i jenë thellësisht mirënjohës kancelares Merkel për ndihmën tejet të çmuar ekonomike, financiare e të gjithanshme që ajo dhe vendi i saj i madh i kanë dhënë në këto 16 vite Shqipërisë dhe Kosovës, por në veçanti për qëndrimin e saj të prerë e vizionar kundër ndarjes dhe coptimit të Kosovës me të cilin ajo shmangu ndezjen e një konflikti të ri në rajonin tonë.

Me këtë rast të dashur miq le ti urojmë suksese kancelarit të ri Scholz në misionin e tij të lartë!?-shkruan Sali Berisha./CNA.al