LEXO PA REKLAMA!

SHKARKO APP

Dekriminalizimi/ Strazimiri: Basha gënjen paturpësisht për non-grata

3 Dhjetor 2021, 11:57, Politikë CNA
Dekriminalizimi/ Strazimiri: Basha gënjen paturpësisht për

Anëtari i kryesisë së PD, Gent Strazimiri ka zbardhur gënjeshtrat e radhës të Lulzim Bashës, në lidhje me dekriminalizimin.

Sipas Strazimirit, Basha gënjen paturpësisht,

?Ky gënjen paturpësisht përsëri. Standardi i PD në lidhje me papajtueshmërinë e mbajtjes së një funksioni shtetëror a politik nga një person me precedentë penalë, është vendosur në ligjin ?Për dekriminalizimin?.

Në një debat shterues juridikisht në zyrën e këtij, së bashku me kolegët Oerd Bylykbashi dhe Eduard Halimi, vendosëm që: shpalljen ?non grata? të një shtetasi shqiptar nga një shtet i huaj, të mos ta përfshijmë në kushtet e papajtueshmërisë së mbajtjes së një funksioni politiko-shtetëror!

Sepse një akti i tillë, për nga natyra është monokratik dhe politiko-qeveritar, kësisoj do i jepte dorë të lirë çdo qeverie të huaj që të ndërhynte politikisht në skenën politike shqiptare duke përjashtuar me vendimmarrjen e saj, aktorët politikë në Shqipëri sipas interesave politike të momentit…

Në rrafshin krejt teoriko-juridik në të cilin u zhvillua diskutimi në fjalë, vendosëm që ratifikimi i një rregulli të tillë do të ishte: Dorëzim i sovranitetit të vendit dhe vullnetit të zgjedhësit shqiptar tek aktorë të huaj, qofshin këta edhe miq?, shkruan Strazimiri.

Ndërsa, standarti i papajtueshmërisë, sipas Strazimirit  u vendos të ishte se çdo vendim i organeve të drejtësisë së shteteve të BE, SHBA dhe Australi e Kanada, dhe në këtë kontekst, ?ekspulsi? si pjesë e vendimit gjyqësor të formës së prerë, pas një procesi të drejtë, ku individi në fjalë ishte gjetur fajtor për vepra të rënda penale.

?Pse si standard u vendosën vendimet e drejtësisë dhe jo vendimet e qeverive të vendeve mike? Sepse, drejtësia në vendet mike udhëhiqet ekskluzivisht nga proceset gjyqësore të drejta dhe nga ligji.

Ndërsa, qeveritë më së shumti nga interesa politike dhe ?halle? të momentit…

Standarti i PD ka qenë dhe do të mbetet:sovraniteti, ligji dhe liria e zgjedhjes së shqiptarëve të lirë

Kjo, pavarësisht hallit të kryetarit të padenjë, të pasinqertë, të pafytyrë e pazarxhi në kurriz të interesave të zgjedhësit shqiptar dhe sovranitetit të tij në vendimmarrje. Kaq?, shkruan më tej Strazimiri./CNA.al

Lajmet e fundit nga