web counter
LEXO PA REKLAMA!

SHKARKO APP

App Store
Google Play

E fundit!

x

Reina nuk po paraqitet mirë, Strakosha projektohet titullar te Lazio

1 Dhjetor 2021, 12:47, Sport CNA

Situata e portës te Lacio vazhdon të jetë një problem për t?u zgjidhur. Portieri Pepe Reina ka raportin më të keq në kampionat të gjuajtjeve dhe pritjeve, ndërkohë nga ana tjetër Strakosha pret të rikthehet titullar. Spanjolli 39-vjeçar është zgjedhur si portier i parë që prej një viti e gjysmë, dhe deri tani në sezonin e ri ngre një alarm te Lacio, sa i përket mbrojtjes së kuadratit, pasi nuk po ofron asnjë garanci për skuadrën dhe humbja me goleadë në ndeshjen e fundit ndaj Napolit ka rikthyer edhe një herë këtë çështje

Në 14 javë të luajtura, spanjolli ka pësuar 25 gola nga 55 gjuajtje në total. Raporti gjuajtjepritje shkon 54.5%, më i ulët se kushdo portier tjetër në Serinë A. Kështu që, shifrat e nxjerrin zbuluar veteranin e Lacios i cili ndodhet përballë një fakti, që tregon se performanca e tij është më e dobëta nga të gjithë portierët e tjerë të kampionatit italian.

Ndërsa, nga ana tjetër, portieri i Kombëtares shpreson që të kthehet si zgjedhje e parë edhe në kampionat, dhe jo vetëm në Ligën e Europës. Nga mediat italiane po ushtrohet njëfarë presioni për aktivizimin e tij, për t?i dhënë edhe një shans Strakoshës, duke parë edhe sa shumë gola po pëson kolegu i tij. Ai ndihet mirë dhe sa herë i është dhënë mundësia në Europë, ka arritur të tregojë aftësitë e tij dhe që është në një formë të mirë, duke lënë pas edhe dëmtimin. Lacio do të luajë sfidën e radhës ditën e nesërme në ?Olimpico? përballë Udinezes.





Lajmet e fundit nga