E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Evi Kokalari iu përgjigjet akuzave/ Publikon foton që iu “mbyll” gojën: Ja për çfarë po loboni

1 Dhjetor 2021, 08:49, Politikë CNA

Aktivistja shqiptare, e cila jeton në Amerikë, Evi Kokalari ka reaguar pas disa deklaratave, sipas të cilave ajo nuk ka asnjë lidhje me shoqatën shqiptare ‘Vatra’, në SHBA.

Në një postim në rrjetet sociale, Kokalari i cilëson akuzat qesharake dhe naive.

Ajo publikon edhe një foto, që tregon lidhjen e fortë që familja e saj ka pasur me ?Vatrën?, ku sipas Kokalarit edhe në varre shkruanin “Mbani Federatën Vatra, Gazetën Dielli dhe Gjuhën Shqipe”.

Më tej, ajo ironizon deklaratat, ndërsa shkruan ?më vjen mirë që ato që kam thënë iu kanë goditur aty ku duhet?.

Po ashtu ajo hedh dyshime se po lobohet që të zhvillohet një takim mes kryeministrit Edi Rama dhe presidentit të SHBA, Joe Biden.

?Këto deklaratat e sotme të dala nga Vatra dhe Dielli, ku më akuzojnë se s’kam asnjë lidhje me Vatrën, nuk janë thjeshtë naive, por dhe qesharake.

Ajo pjesë e familjes tonë që ngeli në Amerikë mbas mbylljes së kufinjve, jo vetëm që kanë dhënë tërë jetën për Vatrën, por i dhanë shpirtin asaj, aq shumë sa dhe në varret e tyre shkruanin:

“Mbani Federatën Vatra, Gazetën Dielli dhe Gjuhën Shqipe” (foto me poshtë)

E pra, kur shoh qartë se si kryesia e Vatrës abuzon me situatën në Shqipëri, e disa duket qartë e kanë nga Rama, e disa sepse ligji 7501 i Sali Berishës s’ju pëlqen, në një kohë që opozita po lëngon gjak tregon miopin tuaj. Unë do ti artikuloj hapur ato çfarë ndjej, shoh dhe konceptoj. Asnjë nuk mund të ma heq këtë të drejtë, sepse e kam fituar nga ata që në familjen time kanë kontribuar një jetë të tërë tek kjo organizatë.

Gjithsesi, më vjen mirë që ato që kam thënë ju kanë goditur aty ku duhet. Por bëni mirë të analizoni ata që mbroni në kryesi. Vatra ka individe shumë të nderuar që kanë shumë vite që i kanë dhënë këtij komuniteti. Ata jane akoma aty, por asnjëherë nuk i është dhënë pozicion drejtues. Ne ata i njohim, i dimë dhe i respektojmë.

Gjithsesi, bazuar në nënkuptimet e atyre që shkruani, verifikoni pikërisht atë që kam thënë më parë – Berishës nuk i keni dhënë as ndihmë dhe as platformën e duhur, sepse mbroni interesa dhe opinionet tuaj personale, pa menduar për kombin që ka nevojë me shumë se kurrë për ndihmën e Diasporës, sidomos asaj të Amerikës.

Po pa problem, ju vazhdoni loboni për një takim të Ramës me Presidentin illegjitim Joe Biden. Jeni vërtet patriota!!

P.s. Ky është varri i dy pjestarëve të familjes Kokalarit dhe ndodhet në Detroit.?-shkruan Kokalari./CNA.al