LEXO PA REKLAMA!

SHKARKO APP

App Store
Google Play

Teuta konfirmon lamtumirën e Martinit, vihet në kërkim të trajnerit të ri

27 Nëntor 2021, 09:31, Sport CNA
Teuta konfirmon lamtumirën e Martinit, vihet në kërkim të

Humbja në minutat e fundit ndaj Partizanit dhe vetëm dy pikë të grumbulluara në 4 javët e fundit të kampionatit i kanë dhënë fund raportit që zgjaste prej pothuajse dy vitesh mes Edi Martinit dhe Teutës. Pas dorëheqjes së trajnerit shkodran ka ardhur edhe konfirmimi për fundin e bashkëpunimit  nga vetë kampionët në fuqi të Shqipërisë me klubin durrsak që ka dalë me një komunikatë në rrjetet sociale ku bën me dije se Edi Martini nuk do të jetë më trajner i Teutës me drejtuesit që e falenderojnë teknikun për punën e shkëlqyer që ka bërë gjatë këtyre dy viteve që kulmoi me fitimin e titullit kampion sezonin e shkuar ndërsa ka fituar edhe 1 Kupë Shqipërie dhe 2 Superkupa teksa ka kaluar edhe dy ture në Europë në dy sezone të ndryshme. Postimi i plotë i klubit të Teutës:

Klubi i futbollit Teuta njofton se ka shkëputur marrëveshjen me tranjerin Eduard Martini. Karriera e Eduard Martinit si trajner tek Teuta filloi në 15 dhjetor te vitin 2019, kur ai zëvendësoi Bledi Shkembin me një kontratë dy vjecare, kur ai ishte 44-vjeçar. Në vitin e tij të parë, shkodrani udhëhoqi Teuten për të fituar trofetë e Kupës së Shqipëris dhe Super Kupës, dhe gjithashtu kaloj një tur në Uefa Europa League duke mundur Beitar Jerusalem. Në sezonin që u mbyll në Durrës, Martini udhëhoqi ekipin e tij për të siguruar titullin e 2-të kampion në sezonin 2020/2021. Martini e nisi sezoni e ri duke kalur një turë Uefa Conference League por fitoj dhe Super Kupën e Shqipëris ndaj Vllaznis, por me ecurinë jo të mirë gjatë 10-të javëve të para Klubi i futbollit Teuta dhe tranjeri Martini kan shkëputur marrëveshjen. Falenderojmë tranjerin Eduard Martini për gjithçka që ka bërë për ekipin tonë, dhe i urojmë shumë suksese në të ardhmen!

Lajmet e fundit nga