LEXO PA REKLAMA!

SHKARKO APP

Tragjedia në Kosovë/ Meta: I tronditur, autorët meritojnë ndëshkimin më të ashpër ligjor

26 Nëntor 2021, 21:31, Politikë CNA
Tragjedia në Kosovë/ Meta: I tronditur, autorët meritojnë

Presidenti Ilir Meta ka shprehur ngushëllimet për familjet e viktimave të sulmit më armë zjarri në Kosovë.

Meta shprehet besimplotë se institucionet përgjegjëse dhe drejtësia në Republikën e Kosovës do të zbulojnë sa më parët autorët.

Sipas tij autorët meritojnë ndëshkimin më të ashpër ligjor.

?Thellësisht i tronditur nga akti kriminal në Gllogjan të Deçanit, ku sipas të dhënave paraprake raportohet për tre humbje jete dhe një të plagosur.

Ju shpreh ngushëllimet më të sinqerta dhe solidaritetin e plotë familjeve të të vrarëve dhe të gjithë popullit të Kosovës, duke bashkëndarë me ta dhembjen e madhe për këtë ngjarje shumë të rëndë.

Të lënduarit i uroj shërim sa më të shpejtë dhe përgëzoj ekipet mjekësore për përkushtimin dhe profesionalizmin, që po dëshmojnë!

Kam besimin e plotë se institucionet përgjegjëse dhe drejtësia në Republikën e Kosovës do të zbulojnë sa më parët autorët, që meritojnë ndëshkimin më të ashpër ligjor?, shkruan Meta./CNA.al

Lajmet e fundit nga