LEXO PA REKLAMA!

SHKARKO APP

E fundit!

x

Mashtrimi kompjuterik përmes Call Center/ Vihen në pranga 8 persona, shpallen në kërkim 3 të tjerë

18 Nëntor 2021, 12:20, Kronika CNA
Mashtrimi kompjuterik përmes Call Center/ Vihen në pranga 8 persona,

Policia ka finalizuar operacionin e koduar North Forex, për veprat kriminale në fushën e mashtrimeve kompjuterike.

Si rrjedhojë janë vënë në pranga 8 persona ndërsa janë shpallur në kërkim 3 të tjerë për mashtrim me anë të platformave dhe programeve kompjuterike.

Në pranga janë vënë shtetasit E. K., 22 vjeçe, O. Sh., 20 vjeçe, A. B., 30 vjeçe, S. A., 21 vjeçe, S. A., 24 vjeçe, E. O., 29 vjeç, N. T., 26 vjeç dhe Y. D., 27 vjeçe.

Gjithashtu u bë shpallja në kërkim dhe po punohet për kapjen e shtetasve  P. Ë., 27 vjeç (shtetas polak), A. S., 21 vjeçe (bashkëjetuesja e tij) dhe K. M., 38 vjeç.

Sipas njoftimit të policisë këta shtetas me në krye një shtetas polak kishin krijuar një skemë, e cila konsitonte në mashtrimin kompjuterik nëpërmjet programeve dhe platformave të ndryshme si Vicidial, Forex dhe Exchange, në dëm të shtetasve të huaj, kryesisht atyre gjermanë dhe spanjollë.

Pas hetimeve shtetasi polak P.Ë, për të shmangur hetimet kishte bërë çregjistrimin e të gjithë punonjësve dhe kishte vijuar të ushtronte aktivitetin në fjalë në mënyrë të fshehtë.

Ndërkohë po vazhdojnë hetimet për verifikimin e të gjitha investimeve në pasuri të luajtshme dhe të paluajtshme që kanë bërë personat e përfshirë në ketë veprimtari, në koordinim dhe me autoritetet gjermane, spanjolle dhe polake, me qëllim konfiskimin e te gjitha aseteve të përfituara nga kjo veprimtari e paligjshme.

Njëkohësisht vijon puna për evidentimin e të gjitha subjekteve call center që ushtrojnë aktivitetin e tyre në mënyrë të paligjshme me anë të mashtrimeve kompjuterike, brenda dhe jashtë vendit./ CNA.al

Lajmet e fundit nga