web counter
LEXO PA REKLAMA!

SHKARKO APP

App Store
Google Play

E fundit!

x

A mjaftojnë dy duar për të bërë drejtësi?

18 Nëntor 2021, 12:43, Kronika CNA

Sot pamjet nga Gjykata e Fierit ishin drithëruese!

Dy prindër të shpërfytyruar nga dhimbja që ju përcjell çdo sekondë përfytyrimi i skenës së vrasjes së njomishtes së tyre!

Vëllai “i madh” i Mateos së vogël, i parritur dhe ai, me muskuj të tendosur nga trauma e humbjes që zor se do shlyhet ndonjëherë.

Gjithë të tjerët që ju ishin bashkuar, me sytë nga ku buronin lot të egër, nuk kish derë dhe mbrojtëse e hekurt që mund t’i ndalte.

Siç nuk i ndali!

Kjo histori e mbyllur kaq keq sot, mund të kish pasur një rrjedhë tjetër nëse një gjyqtare idiote që “gjykoi” rastin e vajzës së marrë peng, torturuar, rrahur dhe të shpëtuar rastësisht, do kish pasur të paktën ndjenja njeriu pa folur për deontologji profesioni dhe te tjera si këto.

16 vjeçarja e mbyllur në shtëpinë e Çalamanit, shpetoi gjallë falë rastësisë.

Ai rast i “gjykuar” le vend për analizë të thellë.

Si është e mundur që motra e Çalamanit që u përdor për të futur në kurth 16-vjeçaren nuk u dënua dhe as u përfshi në rrethin e personave as të hetuar e as të gjykuar?

As policia, as prokuroria dhe as gjykata nuk dha drejtësi!

Si është e mundur që tre persona, në bashkëpunim fusin në kurth, mbyllin ne dhome me çelës, rrahin, lidhin, torturojnë, presin me xhama një 16 vjeçare, ja hedhin paq vetëm për “rrahje”?

“Procedura” që kishin nisur qartësisht duhet klasifikuar si “tentativë vrasje”.

Ata TË TRE (edhe e motra e Çalamanit), nuk u ndalën vetë!

Nuk ndërprenë ate që kishin nisur, se hoqën dorë. Ata nuk donin thjesht ta rrihnin 16 vjeçaren.

Ata u ndërprene nga njerëz të tjerë!

Ndërsa Çalamani perdorte xhamat si thikë e biçak, kërcënonte se do masakronte më tej 16 vjeçaren.

Ai nuk u ndal vetë.cna news, cna lajme, lajme cna, lajme flash cna, cna.al, cna lajme politike,

Atë e ndalën.

Ndaj grupi i kriminelëve duhej hetuar, gjykuar dhe dënuar për atë që thoshin se kishin në plan të bënin dhe jo për më pak sesa ajo që bënë.

Vendimi i turpshëm i “dënimit” me 4 vjet (që duhej se do bëhej për shkak të dispozitave), nuk konsideroi traumën e pakthyeshme në psikën e 16 vjeçares.

Vajza siç tregon e ëma është kthyer në shtëpi me gojën që lëshonte shkumë. Vajza është kthyer ne shtëpi praktikisht e çmendur. Nga rrahja? Me siguri që jo!

Fëmija 16-vjeçare ka ikur nga shtëpia e Çalamanit e çmendur nga gjithe sa ka kaluar dhe sa po përfytyronte se do i ndodhte nga ato që përjetonte, dëgjonte dhe shihte.

Ai vendim ktheu në lagje monstrën.

Ai vendim nuk dha drejtësi!

Ai vendim prodhoi pjesërisht pasojën sot.

Askush nuk kërkon më dhe ka “harruar” ta kërkojë bashkëpunëtorin e Çalamanit në atë krim!

Nuk është çudi që në ndonjë gropë balte të jetë qetësuar dhe të ketë marrë dënimin mbase prej vetë Çalamanit.

Ai dënim prodhoi sot skenat e tmerrshme te dy prindërve me zemër të bërë copash, që kerkonin drejtësi në dyert e shkallët e Gjykatës, duke zgjatur kërcënueshëm vetëm dy duar.

Dy duar!

Të bindur se sot mjaftojnë dy duar për të venë më në fund drejtësi.

Dhe mbase kanë të drejtë.

Kur çekiçi i drejtësisë nuk prodhon më drejtësi, mjaftojne dy duar!/CNA.al





Lajmet e fundit nga