Gjata “shuplakë” Bardhit/ Të përgjigjet për organizimet brenda PD dhe jo për Kuvendin, çfarë parashikon statuti për firmat

11 Nëntor 2021, 15:39, Politikë CNA

Anëtari i Kuvendit Kombëtar të PD-së, Çlirim Gjata hodhi dritë mbi përplasjet brenda selisë blu sa i takon mbledhjes së firmave për Kuvendin Kombëtar.

Në një intervistë për MCN, Gjata tha se nuk ka asnjë procedurë se si mblidhen firmat dhe ku dorëzohen ato. Deri tani sipas tij statuti nuk thotë asgjë.

Duke folur për rolin e Sekretarit të Përgjithshëm Gazment Bardhi, Gjata tha se ai përgjigjet për organizimet brenda partisë dhe jo për Kuvendin. Lidhur me verifikimin e 4200 firmave Gjata tha se mund të verifikohen lehtësisht nga vetë Kuvendi.

Ligji i PD dhe statuti janë zanafilla e përplasjes mes mbështetësve të Sali Berishës dhe Lulzim Bashës që nga mbrëmja e djeshme, kjo pas vendimit për t?ia dorëzuar kopjen e firmave, kryetarit të Këshillit Kombëtar.

Në lidhje me Skype për MCN TV, jursti Çlirim Gjata tha se nuk ka asnjë procedurë se si mblidhen firmat dhe ku dorëzohen ato. Deri tani sipas tij statuti nuk thotë asgjë.

?Për këtë duhet të përgjigjen ata që kanë dërguar firmat, por unë mund të flas për procedurat lidhur me këto. Ajo që parashikohet është që 1/4 mbledh kongresin dhe nuk është vënë kot në statut. Statuti thotë që ¼ mbledh kongresin për të sheshuar konfliktet. Në këtë moment statuti nuk parashikon asgjë, prandaj dhe iniciatorët kanë marrë këtë iniciativë.

¼ mund të mblidhet edhe vetë dhe nuk ka nevojë për firma fare. Nuk ka asnjë procedurë se si mblidhen firmat dhe ku dorëzohen. Deri tani statuti nuk thotë asgjë. Kjo bëhet nga komisioni i kuvendit. Nuk thuhet që Sekretari i Përgjithshëm verifikon firmat. Nuk thuhet që është dikush që merret me këtë punë. Sekretari i Përgjithshëm është për organizimin brenda partisë jo për kuvendin. Këto 4200 që kanë firmosur verifikohen shumë kollaj nga vetë Kuvendi. S?ka asgjë që parashikon se si bëhet kjo, ndërkohë që po bëhet nami se kush do të merret me to. Kjo që ka nisur Berisha është shumë e rëndësishme. Thonë që është bërë për interesa personale të Berishës, por a shkohet bëhet marrëveshje me Ramën në këtë situatë? Delegatët janë të njëjtët si ta thërrasë Basha si Berisha. Lë të vijnë aty dhe të përballen. Këto teka nuk janë gjë tjetër veçse frika e përballjes. Politika është përballje.

Kjo nuk nisi kur Berisha u shpall non grata por nga akuzat për korrupsion, ai e quajti këtë çështje personale. Kur ndodhi kjo unë kam thënë që nuk mundet dikush të sakrifikohet. Ai mori këtë vendim nën presion, ku e dimë ne se çfarë mund të bëjë tjetër ai nën presion, mund të firmosë për zgjedhjet e Kosovës. E kam vlerësuar Bashën dhe kam thënë që mbajti bazën pas zgjedhjeve, ne i shkuam pas sepse besuam që do bënte luftë të madhe në parlament. Ne themi që Rama na vodhi zgjedhjet dhe hyjmë në marrëveshje me të, kjo ka shaktuar tërmet të madh. Po shkojmë në marrëveshje me Ramën në vend që ta luftojmë atë?, tha Gjata./CNA.al