LEXO PA REKLAMA!

SHKARKO APP

Strazimiri leksion Bashës/ Lexo statutin që ke miratuar vetë

11 Nëntor 2021, 13:12, Politikë CNA
Strazimiri leksion Bashës/ Lexo statutin që ke miratuar vetë

Ish-deputeti demokrat, Gent Strazimiri i është përgjigjur kreut në detyrë të PD, Lulzim Basha, në lidhje me mbledhjen e Kuvendit Kombëtar.

Në një deklaratë për mediat nga selia blu, Strazimiri tha se gjithçka është bërë në zbatim me përpikmëri të statutit, që vetë Basha ka miratuar.

Po ashtu ai u shpreh se Kuvendi Kombëtar i PD-së është organi më i lartë i PD-së dhe sipas tij, vetëverifikohet.

“Kuvendi i PD është organi më i lartë statutor në parti. Sipas të gjitha rasteve, vetë kuvendi vetëverifikohet.

Në asnjë rast, askush nuk verifikohet dot nga organe apo individë që rrjedhin prej tyre.

Kështu do të ndodhë edhe në 11 dhjetor, ku do të krijohet një komision dhe do të verifikojë anëtarët.

Deklarata është efekt i një paniku, e palezetshme dhe e turpshme. Këto janë retorika që nuk duhet të ndodhin brenda PD.

Dhe nxis cilido prej atyre që u kanë dhënë zë të pavërtetave në lidhje me vullnetin e anëtarëve të PD, të marrin guximin të shkojnë tek zyra e kreut të Këshillit Kombëtar.

Aty kanë vullnetin e më shumë se gjysmës së anëtarëve të PD. Të lexosh pikat e statutit, është zbatuar me përpikmëri statuti i miratuar nga vetë Basha?-tha Strazimiri./CNA.al

Lajmet e fundit nga