LEXO PA REKLAMA!

SHKARKO APP

App Store
Google Play

Paketa 180 milionë euro për Shqipërinë/ Ahmetaj: Mirënjohës BE-së për solidaritetin

8 Nëntor 2021, 15:30, Politikë CNA
Paketa 180 milionë euro për Shqipërinë/ Ahmetaj:

Zv.Kryeministri Arben Ahmetaj, ka falenderuar Komisionin Europian për disbursimin e transhsit të dytë prej 90 milionë euro për Shqipërinë.

Kjo asistencë Makro-Financiare  prej 180 milion euro në total synon të nxisë rimëkëmbjen ekonomike dhe frenimin e impakti negativ në ekonomi të shkaktuar nga pandemia e Covid-19.

“Mirënjohës Komisionit Europian për disbursimin e transhit të dytë dhe të fundit prej 90 mln euro të paketës 180 mln euro të Asistencës Makro-Financiare për Shqipërinë, që synon të nxisë rimëkëmbjen ekonomike dhe frenimin e impakti negativ në ekonomi të shkaktuar nga pandemia e Covid-19.

Në mars 2021 Shqipëria përfitoi pagesën e parë prej 90 mln euro, ndërsa KE vlerëson se vendi ynë i ka përmbushur të gjithë kriteret e dakordësuara me BE për disbursimin e shumës së plotë të angazhuar, përfshirë masat për konsolidimin e financave publike, garantimin e qëndrueshmërisë së sektorit financiar, përmirësimin e qeverisjes, lufta kundër korrupsionit dhe rritja e mbështetjes sociale.

Programi është një tjetër shprehje e solidaritetit të Bashkimit Europian ndaj vendeve partnere dhe kandidate, nga i cili përfitojnë 10 shtete mes të cilëve Shqipëria. Ne po vijojmë intensivisht punën me KE për implementimin në kohë të programeve dhe politikave të dakordësuara në kuadër të kësaj pakete.”/CNA.al

 

Lajmet e fundit nga