Debate për buxhetin e vaksinimeve te “Ekonomia”/ Manastirliu i përgjigjet opozitës

8 Nëntor 2021, 09:22, Politikë CNA

Debate për buxhetin e vaksinimeve te “Ekonomia”/ Manastirliu i

Mbledhja e sotme e Komisionit të Ekonomisë, ka pasur në fokus debatet në lidhje me buxhetin e parashikuar për vaksinimin e popullsisë dhe përballjen me COVID.

Deputetët e opozitës i kanë drejtuar një sërë pyetjesh ministres së Shëndetësisë, Ogerta Manastirliu, konkretisht për buxhetin që është planifikuar për vaksinimin masiv. Ministrja tha se buxheti për programin e vaksinimit është 2.7 miliardë lekë.

Diskutimet në Komision:

Manastirliu: Rreth 420 milionë lekë shkojne për qendra sociale dhe ndërmarrje sociale që aktivizojnë në territor shërbime të reja sociale për grupe të rriskuara. Do kemi vëmendje të posaçne, 1 miliardë e 25 milionë lekë për programin e riintegrimit për të përndjekurit politikë. Ky është buxheti më i lartë historik për shëndetësinë dhe mbrojtjen sociale, rrit mburojën sociale për shtresat në nevojë.

Arbri Agalliu: Në buxhet a përfshihet dhe shpenzimi për vaksinimin apo vetëm investim në strukturën spitalore dhe në të gjithë pjesën e shëndetësisë. Do doja të dija sa i përket infrastrukturës dhe pjesës së vaksinës? E dyta përmendët pjesën e rritjes së pagës me 6%, edhe Pd e inkurajon fort rritjen e pagave, por me këtë përqindje është ofenduese për pjesën e shëndetësisë. E gjithë trupa e mjekëve në këto vite është në një presion të madh dhe kjo rritje 6% kur çmimet rriten shumë më shumë sesa kaq, kur kemi një rritje të largimit të mjekëve? Këtë rritje pagash e shikoj jo të përshtatshme në këtë masë. A keni numër të saktë të mjekëve dhe infermierëve të larguar në këto 2 vitet e fundit nga vendi dhe si do e plotësoni këtë vakum?

Manastirliu: Do doja të bëja dhe një përmbledhje për fokusin e buxhetit. Programi që i përket shëndetit publik dhe që orienton zbatimin e programit të vaksinimit është ën vlerën 2.7 miliardë lekë dhe është zë specifik për vaksinimin e popullatës. Programi i vaksinimit është 2.7 miliardë lekë dhe këto fonde janë në dispozicion vetëm të këtij programi. Buxheti për vaksinimet nuk është pjesë e buxhetit për investimet. Pa përfshirë mbi 2 miliardë lekë fondet e investimeve, rreth 900 milionë lekë për përgjigjen ndaj covid. Dua t?u siguroj se buxheti i vitit 2022 është buxhet që adreson sfidat e pandemisë dhe mësimet e mësuara dhe patjetër që mbështet zbatimin e programeve si përgjigje ndaj covid, sakaq vijon investimet në sektor, në mënyrë që të shkojmë drejt vizionit për transformimin e sistemit shëndetësor. Rritja e pagave është e përvitshme. Qeveria jo vetëm që ka në fokus rritjen e pagave për të gjithë sektorët, por mbi të gjitha te mjekët, vëmendja jonë ka qenë e targetuar çdo vit.