web counter
LEXO PA REKLAMA!

SHKARKO APP

App Store
Google Play

E fundit!

x

Efektivi shtyu gazetaren drejt greminës/ Çuçi kërkon ndjesë: Zero tolerancë për këto shfaqje të shëmtuara

7 Nëntor 2021, 08:43, Kronika CNA

Ministri i Brendshëm, Bledi Çuçi ka reaguar në lidhje me ngjarjen e një dite më parë, ku një efektiv policie shtyu drejt greminës në Dajt, gazetaren Anila Hoxha.

Në një postim në rrjetet sociale, ministri bën të ditur se përveçse largim nga detyra, ndaj policit në fjalë ka nisur edhe ndjekje penale.

Po ashtu Çuçi shkruan se drejtori i Policisë së Shtetit, Gledis Nano si dhe ai i SHÇBA kanë pasur një komunikim me gazetaren, ndërsa i kërkon ndjesë kësaj të fundit për incidentin e një dite më parë.

Çuçi u bën thirrje qytetarëve që në rast se ndeshin me raste të tilla, t?i denoncojnë duke paralajmëruar zero tolerancë për këto shfaqje të shëmtuara. Ai u bën thirrje efektivëve të mos e lejojnë veten të bien në këtë nivel që i përjashton automatikisht nga policia.

?Lidhur me incidentin e ndodhur një ditë më parë me gazetaren Anila Hoxha, dua t?ju informoj se efektivi i policisë është larguar nga detyra. Drejtori i Policisë së Shtetit dhe drejtori i SHÇBA kanë komunikuar menjëherë me gazetaren, si dhe në bazë të kallëzimit të saj efektivi do të ndiqet penalisht.

I kërkoj ndjesë dhe e falënderoj znj. Hoxha, si dhe iu bëj thirrje gjithë qytetarëve që ndeshen me efektivë të tillë policie të mos heshtin, por t?i denoncojnë. I garantoj se toleranca për këto shfaqje të shëmtuara si ajo e një dite më parë do të jetë zero. Gjej gjithashtu rastin t?u bëj thirrje efektivëve të Policisë së Shtetit të mos ia lejojnë vetes të bien në këtë nivel, që i përjashton ata automatikisht nga radhët e uniformave blu?, shkruan ministri.

Kujtojmë këtu se ngjarja ndodhi pasditen e djeshme në Qafë Mollë, kur gazetarët po ndiqnin nga afër operacionin për nxjerrjen e trupit të biznesmenit Ruzhdi Hoxha i cili u gjet i vrarë pasi kishte humbur gjurmët prej të paktën dy javësh.





Lajmet e fundit nga