LEXO PA REKLAMA!

SHKARKO APP

E fundit!

x

Biznesmeni u ekzekutua dhe u hodh në humnerë/ Klodiana Lala zbardh detaje nga krimi i rëndë

6 Nëntor 2021, 12:04, Kronika CNA
Biznesmeni u ekzekutua dhe u hodh në humnerë/ Klodiana Lala zbardh

Biznesmeni Ruzhdi Hoxha, 43 vjeç, është gjetur i vrarë paraditen e sotme.

Ai kishte dy javë që ishte zhdukur dhe nuk dihej adresa  e tij.

Gazetarja Klodiana Lala ka raportuar se trupi i pajetë i 43-vjeçarit është gjetur në një humnerë në Qafë Mollë pas malit të Dajtit.

Sipas Lalës, hetuesit ndoqën itinerarin e mjetit të Rruzhdi Hoxhës.

?Fillimisht është gjetur një xhup me njolla gjaku dhe nisur nga kjo provë ka vijuar kontrolli me qen të kërkimit të gjurmës, FNSH e dhjetëra forca të DVP Tiranë dhe është arritur tek trupi i viktimës.

Burimet thanë se trupi i viktimës ka plagë me armë zjarri dhe dëmtime nga rrokullisja në humnerë?, është shprehur Lala.

Denoncimi për zhdukjen e tij ishte bërë nga vëllai në komisariatin numër 5 më 24 tetor.

Gazetarja Klodiana Lala ka thënë më tej se Hoxha kishte qenë duke pirë kafe diku pranë autostradës Tiranë-Durrës pasi është telefonuar nga miku i tij Ferdinand Rrushi dhe kanë lëvizur me makinën e tij në drejtim të Zall Herrit.

Mësohet se pas denoncimit, policia ka shoqëruar mikun e tij, teksa po mbahet për llogari të drejtësisë italiane e cila kërkon për çështje droge. Rrushi ka pasur dhe takimin e fundit me 43-vjeçarin./CNA.al

Lajmet e fundit nga