LEXO PA REKLAMA!

SHKARKO APP

App Store
Google Play

Vrasja e dyfishtë në Vlorë/ U zunë për ullinjtë, nipi në gjendje depresive

26 Tetor 2021, 08:41, Kronika CNA
Vrasja e dyfishtë në Vlorë/ U zunë për ullinjtë,

Detaje të reja kanë dalë në dritë nga ngjarja që tronditi Vlorën mbrëmjen e djeshme, ku nipi vrau xhaxhanë e më pas veten.  Xhaxhai 64-vjeçar, Jorgji Koreta  jetonte prej vitesh në Vlorë, por kishte tokat me ullinj në fshatin Mekat. Ditën e djeshme ai  kishte udhëtuar nga Vlora drejt fshatit Mekatit për të vjelë ullinjtë, së bashku me  nipin e tij, në tokën që ndodhej pranë shtëpisë së Genci Koretës, i cili është edhe autori i ngjarjes.

Sipas raportimeve paraprake të policisë, motivet e krimit janë ende të paqarta, por besohet se xhaxhai me nipin janë zënë për rrënjët me ullinj, pra për faktin e kujt i takojnë.  Debati i nisur fillimisht verbalisht, më pas u kthye në konfrontim fizik, gjë që çoi edhe në përdorimin e armës së gjahut.

Genci Koreta, i cili raportohet të ketë qenë edhe në gjendje të rënduar psikologjike, kishte shkuar në banesë dhe ka marrë armën e gjahut, me të cilën ka qëlluar në kokë xhaxhanë e tij dhe më pas veten. Mësohet se arma e krimit e përdorur ishte pa leje dhe se brenda saj ka patur vetëm dy plumba.

Burime bëjnë me dije se Genci Koreta prej disa vitesh ka jetuar në Greqi teksa kishte kohë i rikthyer në fshat. Në gjendjen civile rezulton i pamartuar. Nga ana tjetër, viktima ishte me profesion të hershëm polic dhe jetonte prej vitesh në Vlorë, ku ishte martuar dhe kishte krijuar familje./CNA.al

Lajmet e fundit nga