web counter
LEXO PA REKLAMA!

SHKARKO APP

App Store
Google Play

E fundit!

x

Atentati mafioz në Fier/ Policia tre herë në derën e Ben Qimes

26 Tetor 2021, 08:23, Kronika CNA

Në kuadër të hetimeve për zbulimin e personave të implikuar në ekzekutimin mafioz të biznesmenit Demir Backa në Fier, policia ka kërkuar shoqërimin në Komisariat të Arben Isufit, një emër ky tashmë i njohur për drejtësinë.

Sipas raportimeve paraprake është bërë me dije se mes viktimës dhe këtij personi, të njohur ndryshe me nofkën Ben Qimja, kohë më parë ka pasur një konflikt për motive të dobëta.

Policia ka trokitur tre herë në derën e të dyshuarit, por në të tre rastet ai nuk është gjetur brenda banesës.

Familjarët e Arben Isufit kanë deklaruar se ai ndodhet në kryeqytet për disa punë, ndaj dhe në pamundësi për të gjetur vendodhjen e tij,  policiai ka lënë një fletëthirrje që ai të paraqitet në Komisariat për të treguar se ku ndodhej mbrëmjen e 23 tetorit, ditë në të cilin u krye ekzekutimi i biznesmenit.

Demir Backa u vra me breshëri plumbash mbrëmjen e së shtunës teksa ndodhej në makinën e tij në parkingun e një qendre tregtare. Pak minuta pas ngjarjes policia gjeti automjetin e djegur, i cili u përdor nga autorët dhe brenda tij armët e krimit. Vijojnë ende hetimet për zbardhjen e kësaj ngjarje që tronditi Fierin, si dhe kapjen e autorëve të implikuar./CNA.al





Lajmet e fundit nga