web counter
LEXO PA REKLAMA!

SHKARKO APP

App Store
Google Play

E fundit!

x

Faktet/ Si po kërkon Basha të mashtrojë kryesinë për humbjen e zgjedhjeve

26 Tetor 2021, 10:34, Politikë CNA

Pas humbjes së zgjedhjeve të 25 prillit 2021, kryetari i Partisë Demokratike, Lulzim Basha tentoi të justifikojë dështimin e tij dhe të ekipit, me të ashtuquajturën ?masakër zgjedhore? si dhe urdhëroi të bëhej një analizë, sipas qarqeve.

CNA.al ka siguruar raportin e plotë, ku bie në sy një analizë e nxituar nga Lulzim Basha, i cili është edhe përgjegjësi kryesorë i humbjes së 25 prillit.

Qartazi duket se gjithçka është përdorur si justifikim për të justifikuar dështimin dhe për të mashtruar bazën.

Nëse do të shikosh raportin final të PD, tabelën me analizën sipas qarqeve, ndër të tjera thuhet se ?Kanë patur performancë brenda pritshmërisë së rezultateve historike të Partisë Demokratike, qarqet Berat, Dibër, Elbasan, Fier, Kukës, Korçë, Lezhë dhe Vlorë.?.

Në fakt kjo analizë duket sikur është bërë nga Sekretari i Përgjithshëm i PD, Gazment Bardhi, i cili kandidonte për deputet në Elbasan.

Në analizën në fjalë, Elbasani renditet si një nga qarqet ku është arritur projeksioni maksimal, kur në Elbasan PD ka rreth 30 mijë vota më pak se PS. Dhe ku për rreth 65 vota socialistët mund të merrnin mandatin e nëntë.

Një tjetër gënjeshtër e bërë në analizë, është fakti se thuhet se PD ka rikuperuar nga aleatët.

Në Elbasan PS siguroi 8 mandate dhe PD 6.

Por, në analizën e Gaz Bardhit pretendohet se është arritur projeksioni kur rezultati është 8 me 6. Ndoshta ai ka projektuar humbjen. Këtë e di ai dhe Lulzim Basha.

Po ashtu projeksioni maksimal thuhet se është arritur edhe në qarqet Berat, Dibër, Fier, Kukës, Korçë, Lezhë dhe Vlorë.

Berati shënoi 5 mandate për PS; 2 për PD.

Pra, ka qënë 4 me 3. Është bërë 5 me 2.

Në Fier, si qarku i dytë për numër mandatesh me 16 deputetë, PS ka marrë nëntë mandate, PD pesë mandate, ndërsa LSI vetëm një mandat.

Kush është projeksioni, 50% më shumë vota për PS?

Edhe Korça thuhet se është arritur projeksioni maksimal, gjë që në fakt është qesharake, pasi PD në këtë qark ka 20% vota më pak se në 2013. Pra, ditën që doli në opozitë.

Në vitin 2013, PD ka marrë 56 mijë vota. Në atë kohë me më pak aleat sesa kishte në vitin 2021. Kishte 56 mijë vota me PDIU, LZHK-në, etj.

Ndërsa sot në vitin 2021, Partia Demokratike në qarkun e Korçës ka 50 mijë vota, megjithëse aleate i është shtuar PBDNJ, pra Partia Bashkimi për të Drejtat e Njeriut, e cila ka një efekt elektoral prej të paktën tre mijë votash në qarkun e Korçës.

Në Vlorë, sërish ka pësuar humbje 8 me 4. Është rritur PD sigurisht, por është gjysëm për gjysëm në raportin deputet dhe vota.

Vlora ka 12 deputetë, nga të cilët 8 shkuan për PS dhe 4 për PD.

Në Lezhë ka fituar ndoshta ka dashur të fitojë më thellë, por në analizë ka ngatërruar qarqet Gaz Bardhi.

Nga ana tjetër thuhet se ?Kanë patur performancë më të ulët dhe jo brenda pritshmërisë së rezultateve historike të Partisë Demokratike, qarqet Durrës, Gjirokastër, Shkodër, dhe Tiranë.?

Pra, në këto qarqe nuk janë kapur votat.

Përtej faktit se një herë flasin si ?Opozitë?, pra bashkë me aleatët, e një herë vetëm si PD, ky duket të jetë një raport qesharak, i cili bazohet gjoja në rritje votash dhe mandatesh dhe fitues qenka Elbasani , ku në fakt për pak vota PS do merrte mandatin e nëntë.

Pra, faktet flasin qartë dhe gjithë analiza duket se është bërë në funksion të Lulzim Bashës, që ky i fundit të vijojë të mbajë karrigen e kryetarit të PD-së. Mesa duket, Lulzim Basha kërkon të mashtrojë kryesinë për humbjen e zgjedhjeve./CNA.al

Basha nuk i ndahet ?masakrës zgjedhore”/ Gati raporti për zgjedhjet e 25 prillit

TABELA me shifrat sipas objektivave të Bashës/ 15 drejtues politikë dështuan, ja emrat dhe qarqet

Analiza/ Pse Basha vendosi objektivin 707 mijë vota

Të gjithë dështakët e “fitores” së Lulzim Bashës

Si dështuan Spaho dhe Salianji në Korçë

PD justifikon humbjen/ Zbulon ku u lanë katër mandate





Lajmet e fundit nga