LEXO PA REKLAMA!

SHKARKO APP

PD justifikon humbjen/ Zbulon ku u lanë katër mandate

26 Tetor 2021, 09:50, Politikë CNA

Në zgjedhjet e 25 prillit 2021, Partia Demokratike regjistroi një katastrofë elektorale.

Ndërkohë, kreu i PD-së, Lulzim Basha në mandatin e tij të dytë në detyrë si drejtues i kësaj force politike, i ardhur pas vetëngrirjes në 2017, në një konferencë për mediat, tha se zgjedhjet ja kishin vjedhur, se 25 prilli ishte masakër zgjedhore.

Ai ishte i kujdesshëm në artikulimin e tij, as për të thënë se nuk i njihte zgjedhjet, as për të thënë se i njihte ato, as për të pranuar humbjen, thjesht dhe vetëm duke treguar se diçka kishte bërë, megjithëse nuk ia kishte dalë dot.

Më tej, tha se kishte urdhëruar një analizë të zgjedhjeve në PD, ku në fokus ishin pretendimet për të ashtuquajturën masakër zgjedhore.

cna news, cna lajme, lajme cna, lajme flash cna, cna.al, cna lajme politike,CNA.al ka siguruar raportin e plotë të Partisë Demokratike, i cili ka 16 faqe dhe ku ajo që bie në sy është fakti se Lulzim Basha kërkon të justifikojë humbjen.

Në raportin final thuhet se ?Partia Demokratike e Shqipërisë ka depozituar 185 padi penale në SPAK dhe në zyrat e prokurorisë në rrethe, disa ditë përpara datës së zgjedhjeve, në lidhje me keto krime elektorale.?.

Gjithashtu në raport risillen në vëmendje edhe ndryshimet kushtetuese të 30 korrikut 2020, për të cilat theksohet se i krijoi Partisë Socialiste avantazh elektoral.

?Nga ana tjetër, më 30 korrik 2020, për herë të parë, mazhoranca socialiste ndryshoi Kushtetutën në mënyrë të njëanshme dhe shkeli Marrëveshjen e 5 Qershorit të arritur në kuadrin e Këshillit Politik, ndërmjetësuar me ndihmën e ambasadorëve të BE dhe SHBA në Shqipëri. Kjo i krijojë Partisë Socialiste avantazhe të padrejta elektorale, për shkak ndryshimi i formulës së konkurimit në koalicione, ulte peshën e partive politike të koalicionit opozitar, apo krijonte kushtet për të dalë me lista të vecanta të partive brenda koalicionit opozitar.?-thuhet në analizën e PD.

Por, gjithashtu në raport thuhet se PS do të kishte marrë katër mandate më shumë më pak në qarqet, Berat, Durrës, Gjirokastër dhe Vlorë, , nëse formula e shpërndarjes së mandateve dhe ndërtimit të koalicionit nuk do ishte ndryshuar.

Në analizë publikohet edhe një tabelë, sikurse e shikoni më poshtë, për të cilën pretendohet se nëse nuk do ishin bërë ndryshimet kushtetuese të korrikut 2021, opozita do të kishte katër mandate më shumë.

Në fakt të gjitha këto vota sërish nuk do ta sillnin PD në pushtet, pasi në raportin e bërë nga analizohet si opozitë. Pra, bashkë me LSI.

Sipas analizës së PD, me ndryshimet kushtetuese, LSI ka humbur tre mandate, ndërsa PD ka humbur vetëm një mandat në Gjirokastër. Ku edhe këtu, sërish PD do të donte të paktën 10% më shumë vota, që të arrinte në një mandat tjetër.

Pra, edhe sikur opozita të merrte 69 mandate, Rama bashkë me Tom Doshin do të merrte 71 mandate.

Për të mos llogaritur pastaj faktin se Edi Rama mund të merrte edhe aleatë të PD, me të cilët ka qeverisur më parë. Në politikën shqiptare edhe kjo është e provuar, që mund të ndodhë.

Në fillim tha se fituam, më pas se ishin numëruar votat e socialistëve, dhe kutitë e ?mira? nuk ishin hapur ende. Më pas doli e tha se zgjedhjet ia kishin vjedhur dhe se 25 prilli ishte masakër zgjedhore. Ndërsa tani në analizë thotë se ?humbëm kot katër mandate.?

Pra, ajo çfarë kërkon të bëjë Lulzim Basha është thjeshtë dhe vetëm justifikimi i humbjes./CNA.al

TABELA me shifrat sipas objektivave të Bashës/ 15 drejtues politikë dështuan, ja emrat dhe qarqet

Analiza pa fakte, kontradiktore dhe e falsifikuar e Lulzim Bashës

Analiza/ 17 faktet pse humbi Lulzim Basha

Analiza/ Pse Basha vendosi objektivin 707 mijë vota

Basha nuk i ndahet ?masakrës zgjedhore”/ Gati raporti për zgjedhjet e 25 prillit

TABELA me shifrat sipas objektivave të Bashës/ 15 drejtues politikë dështuan, ja emrat dhe qarqet

Lajmet e fundit nga