Connect with Us

Si dështuan Spaho dhe Salianji në Korçë

Politikë

Si dështuan Spaho dhe Salianji në Korçë

Publikuar

-

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote

Dje CNA.al ka publikuar dokumentin i cili tregon qartazi se trupa elektorale të drejtuesit politik, të Lulzim Bashës, në shumicën e qarqeve kanë dështuar. Pra, nuk kanë arritur objektivat e kërkuara nga kreu demokrat.

Basha ka kërkuar rreth 707 000 vota nga të tijët, por në fakt ata nuk mundën t’i sillnin më shumë se 630 000.

Objektivi i Bashës ka qënë i qartë. Ndoshta 70-71 mandate, ose rreth shifrës së “artë” për formimin e qeverisë dhe nga ana tjetër LSI, aleate, që merrte mandatet e saj.(Lexo ketu)

Por, ajo që ndodhi ishte krejt ndryshe. Basha u tradhëtua nga të tijët, dhe tashmë ata që e tradhëtuan, nuk kapën objektivat, nuk mundën dot të siguronin mandatet. Me gjithë gjithë pushtetshmërinë që kishin në bazë, kanë shpallur fitoret.

Në një nga rastet më flagrante, është qarku i Koçës, ku shifrat e analizuara flasin vetë.

Flasin ashtu si në vitin 2017, kur në qarkun e Korçës u siguruan vetëm katër mandate, me 42 mijë vota dhe u shpall fitore.

Në fakt Partia Demokratike, në vitin 2013 kur u largua nga pushteti e kishte lënë “thesin” me plot 56 mijë vota.

Gati 30% e votave kishin humbur rrugës, dhe këto nuk njiheshin. Bëhej sikur nuk dihej dhe shpallej fitorja.

E njëjta situatë, turpësisht po ndodh dhe tani në vitin 2021, e cila është sirena e alarmit dhe paralajmërimi për një katastrofë në 2025.

Por, pse kjo? Pse këto shifra?

Ka një grup njerëzish që llogarinë e bëjnë thjeshtë dhe vetëm për interest e tyre politike të momentit dhe nuk i hyjnë thelbit të problemit.

Në vitin 2013, PD ka marrë 56 mijë vota. Në atë kohë me më pak aleat sesa kishte në vitin 2021. Kishte 56 mijë vota me PDIU, LZHK-në, etj.

Ndërsa sot në vitin 2021, Partia Demokratike në qarkun e Korçës ka 50 mijë vota, megjithëse aleate i është shtuar PBDNJ, pra Partia Bashkimi për të Drejtat e Njeriut, e cila ka një efekt elektoral prej të paktën tre mijë votash në qarkun e Korçës.

Nga ana tjetër në vitin 2013, FRD ka qënë me vete, kurse në vitin 2021 i është bashkuar Partisë Demokratike dhe në këtë qark, ka një rezultat në dy palë zgjedhje, afërsisht rreth një mijë vota.

Në targetin, pra në numrin maksimal të votave të kërkuara nga qendra në qarkun e Korçës ishte vendosur një shifër. Ajo ishte 60 400, një shifër shumë reale.

Partia Demokratike ka mundur të lërë pushtetin me 56 mijë vota, pas tetë vitesh në opozitë, duhej të rikuperonte vota, rreth 3 mijë vota, PBDNJ dhe FRD, në total 60 mijë vota, sot do të duhej ishte një shifër e pranueshme.

Dhe është fiks afër realitetit elektoral që ndodhi me Partinë Socialiste, e cila nga 63 500 vota në 2013, 62 500 vota në vitin 2017, shkoi në vitin 2021 në 60 200 vota.

Mjaftonte që Partia Demokratike të kishte një votë më shumë për të pasur 6 mandate në qarkun e Korçës.

Këto pa llogaritur LSI-në, e cila kaloi në një gropë tjetër elektorale. Pasi, PD nëse do të arrinte rreth 60 mijë vota dhe LSI-ja do të kapte targetin e saj, prej rreth 14 mijë votash, në Korçë do të kishte një përmbysje elektorale në krahun tjetër, ku demokratët bashkë me LSI-në, do të ishin diku në 7 mandate dhe Partia Socialiste në vetëm 4.

LEXO EDHE:  Gent Malko: Fraksionet shihen si të rrezikshme për liderin, i fundit për PD ishte në 92-shin

Por, kjo nuk ndodhi.

Nuk ndodhi sepse Partia Demokratike e drejtuar nga Edmond Spaho dhe Ervin Salianji, dështoi. Megjithëse është shpallur fitorja dhe suksesi, ka një dështim total.

Ka 10 mijë vota më pak të gjetura në kuti, sesa objektivi i vendosur. Dështimi është gati 15%.

Nga ana tjetër, po trumbetohet se ka pasur një fitore, kur ka pasur një humbje të turpshme dhe më pak vota se në vitin 2013.

Në çdo qark, ka pasur më pak vota se ditën kur PD-ja ka dalë në opozitë. Drejtuesit politik të këtij qarku, jo vetëm që duheshin shkarkuar, por duhej bërë edhe një reformë e thellë në degët e atyre zonave elektorale.

Në bazë të shifrave të krahasuara jo vetëm me objektivat, por edhe me rezultatet elektorale të të paktën tre palë zgjedhjeve të fundit, 2013, 2017 dhe 2021.

E në rast se 2017-ta është një gropë e papranueshme zgjedhore, atëherë do mund të merrej edhe 2009-ta, me një mesatare të caktuar, e cila tregon qartazi se kush është e vërteta elektorale e Partisë Demokratike.

Në Korçë pati një dështim, nga dy drejtuesit politik, Edmond Spaho dhe Ervin Salianji. Ishte i vetmi qark që kishte dy drejtues politik.Skandali-Manipulohen votat në Maliq/ Votojnë më shumë se në Korçë

Në fakt i pari, nënkryetari i PD-së ishte më i tërhequr, më agresivi dhe më drejtues politik në këtë qark, dukej Salianji. I cili edhe pse tundej ekraneve, në fakt ka humbur dhe Lulzim Basha, dhe ekipi drejtues i PD-së, do të duhej t’i drejtonte gishtin dhe ti kërkonte llogari për gjëmat e tij në Korçë, për konfliktet e ndezura me kreun lokal, Andrea Mano, për përplasjet me kryetarët e degëve, për përplasjet mes Spahos, dhe Salianjit.

Ato të raportuara në media, që flasin për skandale deri në rrahje. Dhe sherre e konflikte të tjera, të cilat sollën në fund, një rezultat katastrofik elektoral, i cili është më pak se në vitin 2013. Një rezultat katastrofik elektoral, i cili është më pak se në çdo kohë tjetër, krahasuar edhe me 2017.

Në rast se do të merrej i mirëqënë fakti i rikuperimit të votave që Partia Demokratike duhej të kishte pas tetë vitesh në opozitë.

Shifrat flasin vetë. Në vitin 2013, PD bashkë me aleatët në total, me aleatët e rinj të vitit 2021, ka jo pak por gati 60 mijë vota. Kaq i janë kërkuar Ervin Salianjit dhe Edmond Spahos, në vitin 2021.

Por, ata nuk kanë mundur dot të marrin më shumë se 50 mijë vota. Kjo është e vërteta elektorale e Partisë Demokratike në Korçë dhe dështimi spektakolar i Ervin Salianjit dhe Edmond Spahos./CNA.al

TABELA me shifrat sipas objektivave të Bashës/ 15 drejtues politikë dështuan, ja emrat dhe qarqet

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Bujar Nishani zbulon se kush e mbron Lulzim Bashën/ Ish-Presidenti jep alarmin

Publikuar

-

Nga

cna lajme politike

Ish-Presidenti Bujar Nishani ka dhënë alarmin se armiqtë më të betuar të PD-së ndër vite, po bëjnë sot avokatin e Lulzim Bashës.

Sipas Nishanit mjafton ky fakt për të kthjelluar dhe ndriçuar çdo demokrat e çdo patriot të këtij vendi sot.

Shumë interesante por e qartë si kristali !

Pa përjashtim, të gjithë armiqtë më të betuar politik të Partisë Demokratike, që nga dita e parë e themelimit të saj dhe deri më sot, janë bërë papritur, avoketërit më të zjarrtë e fanatikë të Lulzim Bashës.

Të L. Bashës jo si individ por të L. Bashës si Kryetar i Partisë Demokratike.



LEXO EDHE:  Vendimi për negociatat/ PD kërkon dorëheqjen e Bushatit

LEXO EDHE:  Themelimi i PD/ Basha ftesë si për vdekje

Mjafton ky fakt për të kthjelluar dhe ndriçuar çdo demokrat e çdo patriot të këtij vendi sot”, shkruan Nishani në rrjete sociale.

Nishani shkruan më tej se bashkimi i PD-së, i tmerron armiqtë e saj politik,

Bashkimi i PD, forcimi i PD, kthimi në opozitë të vërtetë PD, i tmerron armiqtë e saj politik.

Tmerron dhe armiqtë e Shqipërisë, po ashtu”, shkruan Nishani./CNA.al

LEXO TE PLOTE

Politikë

“Foltorja frymëzuese”/ Demokratët me sytë nga Berisha

Publikuar

-

Nga

cna lajme politike

Ish-kryeministri Sali Berisha, që prej 16 Shtatorit, kanë nisur takimet me demokratët në bazë.

Nga Tirana, Berisha ka zbritur në disa qytete, ku është pritur me entuziazëm të madh nga demokratët, të cilët e shohin si shpresë për ringritjen e PD dhe sjelljen e saj në pushtet.

Të zhgënjyer nga Lulzim Basha dhe udhëheqja e tij, demokratët i kanë drejtuar sytë nga Berisha.

Ata e akuzojnë Bashën për shitje dhe shkatërrim të Partisë Demokratike.

Sipas tyre Basha është në të njëjtën linjë me kryeministrin Edi Rama, dhe po punon për qëndrimin e tij në pushtet.

LEXO EDHE:  Themelimi i PD/ Basha ftesë si për vdekje

LEXO EDHE:  Vizioni i Edona Bilalit për Shkodrën/ “Do jem ndërmjetëse mes qeverisë qendrore dhe asaj lokale”



Së fundmi “Foltorja” u zhvillua në Elbasan, ku ashtu si në të gjitha takimet e mëhershme pati  një pritje madhështore për Berishën.

Ish-kryeministri në rrjete sociale, ka publikuar fotot të cilat tregojnë shumë nga takimi në Elbasan.

Në foto vërehet entuziazmi i demokratëve për të reaguar ndaj lëvizjeve të Lulzim Bashës, me të cilat ka shkatërruar PD-në.

Album nga Foltorja frymëzuese dhe e zjarrtë e Elbasanit! Rroftë Elbasani”, shkruan Berisha në rrjete sociale./CNA.al

LEXO TE PLOTE

Politikë

“Doktor Berisha na prij ta shporrim sektin Rama&Basha”/ Thirrja e fortë e demokratëve për ish-Kryeministrin

Publikuar

-

Nga

cna lajme politik

“Foltorja”, iniciativë kjo ish-kryeministrit Sali Berisha ka “ndezur”, demokratët në të gjithë vendin, të cilët ndihen të tradhëtuar dhe të shitur nga kryetari i PD –së, në detyrë Lulzim Basha.

Të martën që vjen Berisha do të jetë në Kukës me demokratët atje.

Këtij takimi i kanë paraprirë thirrjet e dmeokratëve në rrjetin social të ish-kryeministrit, në postimet e tij të njëpasnjëshme.

“Doktor Berisha na prij ta shporrim sektin Rama&Basha se na degjeneruan këto 8 vite..Ja hoqën brekët këtij populli deri në fund të kembeve…Tek ju shihet drita në fund të tunelit”, shkruan një demokratët.

Sipas demokratëve PD do të ngrihet në shesh pasi nuk i duron padrejtësitë që bëhen në kurrriz të tyre me anë të marrëveshjeve Basha –Rama.

PD ngrihet në shesh sepse është Partia Demokratike që nuk duron padrejtësitë, nuk duron mizorinë, e don lirinë, është partia e vlerave dhe lirisë së mendimit e shprehjes, PD nuk është partia e Lulzim Bashës e mbyllur, e rrënuar, e mundur.

Partia e Bashës nuk është kjo Parti Demokratike, partia e BashËs eshte partia e klaneve, partia e servilëve, partia që listen e kandidateve e përzgjedh brenda nate, pa votë, pa mendim anëtarësie.

Kjo nuk mund të jetë PD që llogaritjet dhe humbjet e njëpasnjëshme karshi Rilindjes i bën shumë keq po si 7×7=42”, shkruan një nga demokratët në rrjetin social të ish kryeministrit.

LEXO EDHE:  Themelimi i PD/ Basha ftesë si për vdekje

LEXO EDHE:  Video-“Qërohu nga Shqipëria. Turp për ty”/ Demokratët “masakrojnë” Bashën



Sipas të njëjtit, partia e Lulit është kthyer ne parti çunash  lagjesh, çuna kolegjesh, ish shokë e miq shkolle, çuna të rrugës së Kavajës, çuna të shkolluar me ideologji ndërfetare e përtej tyre, çuna të Lulit të gjithë, por jo të PD.

Diku dhe vërdallë po vjen ndryshimi i duhur, po i kthehet identiteti dhe vlera mbi të cilin ka ecur dhe krijuar PD.

Kujdes , Lulzim Basha ka luajtur me çdo demokrat, me çdo vyrtit dhe karakteristikë demokratësh, prandaj Luli duhet të ik sa më shpejt, sepse është i dobët dhe ka tradhëtuar çdo anëtar të saj.

Ai kurrë nuk mundet të fitoj, ai gjithmonë është mundur nga Rama sepse ka shkelur mbi dinjitetin dhe integritetin dhe vërtetësinë e demokratëve.

Lulzim Basha duhet të ik dhe partia duhet të hapet e çlirohet nga kthetrat e tigrit të madh dhe nga dobësia e një qingji të butë që s’ka asnjë moral për të drejtuar uraganin dhe ushtrinë me intelektualitet dhe karakter të demokratëve.

Është barrë e rëndë PD, dhe prandaj ka nevojë për burrë opozite dhe jo miss buzëqeshje e zgërdhierje parlamenti! Kukësi dhe kukësianet nuk e duan PD e Bashës”, shkruan me tej nga demokrati, që u bën thirrje të gjithëve për të reaguar./CNA.al

 

LEXO TE PLOTE