web counter
LEXO PA REKLAMA!

SHKARKO APP

App Store
Google Play

E fundit!

x

Berisha po bën betejë individuale?/ Ja si përgjigjet Bujar Nishani  

20 Shtator 2021, 10:40, Politikë CNA

Ish-presidenti Bujar Nishani ka komentuar lëvizjet e ish-kryeministrit Sali Berisha, pas vendimit personal të Lulzim Bashës, për ta përjashtuar nga grupi parlamentar i PD.

Në një intervistë për Report tv, Bujar Nishani është pyetur nëse ajo lëvizja e Berishës, është një betejë individuale.

Por, Nishani theksoi se ajo që është e rëndësishme është thelbi dhe interesi publik.

?Nuk përjashtoj edhe konotacionin personal. Askush prej nesh nuk mund të thotë se në sjelljen e vet është i ftohtë plotësisht në raportet personale, jemi qënie humane.

Por, i rëndësishëm është thelbi, dhe interesi publik është i dukshëm.?-tha Bujar Nishani.

Më tej, ai theksoi domosdoshmërinë e një opozite të forta, përballë një qeverisje të korruptuar dhe arrogante, sikurse e cilësoi ai qeverinë ?Rama 3?.

?Edhe në rast se ekziston qeverisja perfekte, instrumentat e opozitës janë të domosdoshme. Jo pastaj, në një kohë që në Shqipëri që kemi një qeveri edhe më të korruptuar dhe më arrogante se vitet e shkuara.

Opozita është i vetmi instrument për të korrigjuar, por opozita ka humbur tërë besueshmërinë e saj?.-theksoi Bujar Nishani.

Më tej, ai tha se ?PD ka dy aleternativa. Ose degradim i plotë ose të ridimensionohet plotësisht?.

Sipas tij, lëvizja e Berishës do ti shërbejë PD, në këtë domension.  

?Unë e shoh si një lëvizje për një parti realisht demokratike, e madhe, e sinqertë dhe jo hileqare, dinamike dhe jo e përgjumur?-deklaroi ish-presidenti Nishani./CNA.al





Lajmet e fundit nga