web counter
LEXO PA REKLAMA!

SHKARKO APP

App Store
Google Play

“Me këtë kryetar nuk ka pikë shprese”/ Bamir Topi “kryqëzon” Bashën: Ka shumë hipokrizi brenda

20 Shtator 2021, 08:22, Politikë CNA

Ish-presidenti Bamir Topi ka komentuar situatën politike në të cilën ndodhet Partia Demokratike.

I ftuar në Ditari në A2 CNN, ish-presidenti Topi nuk i ka kursyer kritikat ndaj kreut të PD-së, Lulzim Basha, për të cilin tha se ?ka luajtur me alibinë që nuk është i lirë?. Pra, se vendimet I merr Berisha.

?Kam ndjerë një keqardhje të madhe kur në zgjedhjet e 25 prillit pamë Berishën që jo vetëm ishte në listë, por ndodhi ashtu siç ai thoshte, do ta takojë për ta caktuar vendin kudo të jem. Është krijuar ideja se ky vendos. Basha ka pasur momente që në mënyrë elegante mund t?i kishte thënë stop. Nëse se ke këtë fuqi, atëherë ik. O je, o nuk je. Ai ka luajtur me alibinë që nuk është i lirë. Problemi është se të gjithë atje kanë qenë viktimë të kësaj bindje të kthyer në psikozë.?-tha Topi.

Më tej, ai ka deklaruar se me Bashën kryetar, PD nuk ka pikë shprese.

?Unë nuk kam pasur rast të bëjë analizë mbi deputetët, por unë shoh fytyrën e kryetarit, shoh përfaqësuesin e tyre. Duke njohur kryetarin, nuk ka pikë shprese. Kjo është një gjë e provuar. Ka shumë hipokrizi brenda, pandershmëri, ka shumë egoizëm. Ky vend është në këmbët e këtij që është sot në pushtet, jo në këmbët e opozitës. Shqipëria është totalisht në këmbët e mazhorancës dhe kjo është dramatike. Unë nuk bëj me faj Edi Ramën, në sytë e mi është i falur. Pas 8 vitesh ti shkon në mandatin e tretë dhe thua do fitojmë mandatin e katërt, problemi nuk është tek ty, por te opozita?.-u shpreh Bamir Topi./CNA.al





Lajmet e fundit nga