LEXO PA REKLAMA!

SHKARKO APP

App Store
Google Play

Ka vetëm një mënyrë bashkëpunimi/ Ish-ministri i Ramës leksion PD dhe PS

29 Gusht 2021, 07:36, Politikë CNA
Ka vetëm një mënyrë bashkëpunimi/ Ish-ministri i

Ish-ministri i Drejtësisë në qeverinë ?Rama 1?, Ylli Manjani ka komentuar deklaratat mbi një koalicion të mundshëm mes PD dhe PS.

Në një postim në rrjetet sociale, Manjani shkruan se është mbështetës i një platforme bashkëpunimi parlamentar, e cila sipas tij duhet të ketë disa arritje, në interes të shqiptarëve.

?Pak më intereson debati mbi idenë koalicion (apo jo) PS-PD. Por jam shumë mbështetës i idesë së një platforme bashkëpunimi parlamentar e cila duhet të arrijë:

1. Fillimin e bisedimeve për anëtarësim në BE.

2. Përmbysjen e sistemit hajdut zgjedhor dhe ndërtimin e një Proporcionali Kombëtar të thjeshtë, pa ndarje e karrema që dhurojnë pushtet pa votë, apo që blen pushtet me para.

3. Hartimin e një Kushtetute të re, si dokument themelor parimesh demokratike, ekonomike e të shtetit të drejtë.

Kaq mjafton, del e tepron!?-shkruan Manjani.

Më tej, ai thekson se shpreson që të jetë PD nismëtare e këtij bashkëpunimi, ndërsa shton se ky duhet të ishte misioni i këtij parlamenti, pa pasur nevojën e ndërhyrjes së ambasadorëve.

?Më së shumti e pres nga Partia Demokratike të jetë nismëtare e kësaj platforme bashkëpunimi parlamentar.

Dhe nuk ka hiç nevojë për negociata ala Kim, as për kimë me ligje ambasadash, të cilat më pakti kanë haber nga punët tona dhe, më së shumti i shërbejnë qartësisht qeverisë.

Ky duhet të ishte misioni themelor i këtij parlamenti, pavarësisht si u zgjodh.”-shkruan ish-ministri Ylli Manjani./CNA.al

Lajmet e fundit nga