LEXO PA REKLAMA!

SHKARKO APP

“PS s’do bëhet mburoja e askujt”/ Rama paralajmëron socialistët: Nguleni mirë në kokë!

27 Gusht 2021, 17:48, Politikë CNA
“PS s’do bëhet mburoja e askujt”/ Rama paralajmëron

Kryeministri Edi Rama gjatë takimit me deputetët e vjetër dhe të rinj, ka paralajmëruar të gjithë socialistët, që të bëjnë kujdes, për çdo shkelje dhe abuzim me shërbimet publike.

Rama tha se kushdo që të abuzojë, do të përballet me ligjin, pasi PS nuk do të jetë mburoja e askujt që cenon qëllimet dhe emrin e partisë për qëllimet e veta.

?Duhet ta ngulni mirë në kokë se ndërhyrjet për të ndikuar në procese tenderash e vendimmarrje, janë armiqësore me qëllimet e atyre që na dhanë besimin për të drejtuar vendin. Janë të papajtueshme, janë të neveritshme, janë tradhtia më e madhe. 

Duhet të jetë e qartë për të gjithë ne, gjithë anëtarësinë e PS, por edhe për ata që na kanë zgjedhur ose jo, si dikush që e ka në ballë logon e PS, ekspozohet nga organet e drejtësisë si ndikues apo përfitues i të mirave publike, faji është i tiji, por turpi është i të gjithëve ne, nëse nuk e vendosim të qartë e të drejtë vijën e kuqe. 

Kjo skuadër nuk do të jetë kurrë as streha, as mburoja e askujt që cenon qëllimet dhe emrin e PS, me qëllimet e veta. Kjo parti nuk mban përgjegjësi pse një individ shkel mbi flamurin e saj të vlerave dhe parimeve, por mban përgjegjësi si reagon ndaj individit në fjalë, duke u distancuar nga veprimet e tij, por edhe prej tij vetë, kur në mes hyn drejtësia.”/CNA.al

Lajmet e fundit nga